Dalawang linggo na lang bago ang inaabangang Songs for Heroes 3. Ang benefit concert ay alay sa mga bayaning sundalo at pulis na nagbuwis ng kanilang buhay sa pakikipaglaban sa mga terorista sa Marawi City.
Kabilang sa mga magtatanghal sa concert ay sina Kris Lawrence, Jason Dy, Darren Espanto, Richard Reynoso, Jamie Rivera, Jett Pangan, Ney Dimaculangan, Aia de Leon, Leah Patricio, Mela, Chacha Cañete, Plethora Band, KNC kids at WISHful 20 ng WISHcovery.
Samantala, tuloy-tuloy naman ang pag-eensayo ng performers mula sa AFP at PNP performers bilang paghahanda sa event. Ikinararangal naman ng mga ito na maging bahagi ng benefit concert.
Ganado rin ang mga ito sa kanilang performances lalo pa’t nataon ang benefit concert sa pagtatapos ng halos limang buwang pakikipaglaban ng kanilang mga kasamahan sa Marawi City, mapalaya lamang sa kamay ng mga terorista ang ating mga kababayan.
Ang Songs for Heroes for 3 ay isasagawa sa Oct. 31 sa Mall of Asia Arena.
( Leslie Longboen / UNTV Correspondent )
Tags: AFP, PNP, Songs for Heroes 3
