Naguumpisa ng dumagsa ang mga pasahero na uuwi sa kanilang mga probinsya ngayong weekend sa mga pangunahing pantalan sa bansa.

Sa Masbate port, naglagay na ang Philippine Coastguard ng mga passenger assistance desk sa mga pantalan upang umasiste sa mga pasahero.

Ayon sa PCG sampung coast guard personnel ang nakabantay sa inilagay na help desk upang umasiste at sumagot sa anumang katanungan ng mga paalis at parating na mga pasahero.

Mahigpit naman ang ipinatutupad na seguridad sa pantalan upang maiwasan ang pagsasamantala ng mga masasamang loob.

Pinapayuhan naman ng coast guard ang mga pasahero na huwag magdadala ng mga ipinagbabawal na gamit gaya ng deadly weapon at baril upang huwag maantala sa pagbiyahe.

Tags: Mga pasahero, pantalan