Binatikos ng isang grupo na nagpakilalang tagasuporta ni Sen.Grace Poe ang katandem nito na si Sen.Chiz Escudero dahil sa umano’y pag-abandona nito sa senadora.

Ayon sa grupong Philippine Crusaders For Justice, hindi na nagpapakita sa mga pulong ng galing at puso team si Sen.Escudero.

Hindi na rin umano nakikitang sinasamahan ni escudero ang senadora sa pag-iikot nito.

Sa pahayag naman ni Senator Escudero na nasa ibang bansa sa kasalukuyan; hindi dapat paniwalaan ang walang basehang alegasyon.

Ayon kay Sen.Escudero, dapat na tutukan na lamang ang tunay issue at ito ay ang karapatan ni Senator Poe na isang foundling na makatakbo bilang pangulo ng bansa sa 2016 elections.

(Bryan De Paz / UNTV Correspondent)

Tags: Grace Poe, Mga paratang, Sen, Sen. Francis “Chiz” Escudero, walang basehan