Pormal nang ipinahayag ng grupo ng mga panadero na hindi sila magtataas sa presyo ng tinapay hanggang matapos ang taon
Ayon sa Filipino Chinese Bakery Association, suportado nila ang panawagan ng Department of Trade and Industry (DTI) na hindi itaas ang presyo ng Pinoy Tasty at Pinoy Pandesal.
Sa ngayon ay nasa 35 piso ang presyo ng Pinoy tasty at 21 piso naman ang presyo ng kada sampung piraso ng Pinoy Pandesal
Dagdag ng grupo, bahagi rin ito ng kanilang corporate social responsibility sa mga consumer.
Ayon sa mga panadero, mababa ang presyo ng trigo at harina na siyang pangunahing sangkap sa paggawa ng tinapay.
Pero anila, mataas naman ang asukal na siyang pangalawang pangunahing sangkap ng tinapay at maging ang gasolina na ginagamit sa pagluluto nito.
Dahil dito, aminado ang mga panadero na hindi rin nila makokontrol ang presyo ng ibang mamahaling brand ng tinapay. Kung magkaroon man daw ng paggalaw sa presyo, minimal lamang ito.
Ang mahalaga raw ay hindi gagalaw ang presyo ng mga tinapay na palaging binibili ng mga consumer gaya ng Pinoy Tasty at Pinoy Pandesal. Ikinatuwa naman ng DTI ang tugon ng mga panadero sa kanilang panawagan.
Ayon sa DTI, hindi makatwiran na magtaas ng presyo ang mga panadero.
Nanawagan naman ang mga consumer group na maisama sa expanded suggested retail price (SRP) ang mga branded na tinapay upang maproteksyunan rin ang mga consumer sa pang-aabuso ng pagtataas ng presyo.
( Mon Jocson / UNTV Correspondent )
Tags: DTI, Pinoy Tasty, SRP
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
