Pasado alas-6:00 na ng gabi nang dumating ang mga militanteng grupo at mga grupo ng manggagawa sa Mendiola na nagmartsa mula Liwasang Bonifacio.
Bitbit ang malaking effigy ni Pangulong Aquino ay sinunog nila ito simbolo ng kanilang paniningil sa lahat ng umanoy pang-aaping ginawa sa kanila ng administrasyong Aquino.
Kasama sa mga nakiisa sa mga nag-rarally sa Mendiola ang kararating lamang mula sa Indonesia na pamilya ni Mary Jane nasuot suot ang damit na may nakasulat na “Justice for Mary Jane”.
Samantala ay nagbarikada naman ang mga pulis sa gate ng Mendiola sakaling magpumilit ang mga raliyista na makatawid ng Mendiola bridge.(Jerolf Acaba/UNTV Radio)
Tags: effigy, Mary Jane Veloso, Pangulong Aquino
Bulto bultong mga dokumento ang bitbit ng grupong citizens crime sa Office of the Ombudsman. Nakapaloob dito ang mga ebidensya ng grupo laban kay dating Pangulong Benigno Aquino III.
Sinampahan ng reklamong plunder, malversation at graft and corruption ng citizens crime si Aquino dahil sa anila’y maanomalyang pagbili at paggamit ng Dengvaxia vaccine. Ito na ang ikatlong reklamong isinampa laban kay Aquino kaugnay ng Dengvaxia controversy.
Kasamang inireklamo ng grupo sina dating Executive Secretary Paquito Ochoa, dating Budget Secretary Butch Abad, dating Health Secretary Janette Garin at 15 iba pang mga kasalukuyan at dating opisyal ng Department of Health.
Ayon kay Diego Magpantay, ang presidente ng grupo, malinaw sa isinagawang imbestigasyon ng Senado na hindi dumaan sa tamang proseso ang pagbili ng Dengvaxia at nasayang lang ang pera ng pamalahaan dahil dito.
Anila, sa 3.5 bilyong piso na budget para sa proyekto, 500 milyong piso dito ang unaccounted.
Ayon naman kay Atty. Abigail Valte, legal counsel at tagapagsalita ni Aquino, ang panibagong reklamong ito ay hindi talaga para mapanagot ang sinoman kundi nais lamang umano ng mga complainant na magkaroon ng pwesto sa gobyerno.
Pero nilinaw ni Valte na sa handa ang dating pangulo na harapin ang lahat ng mga reklamong laban sa kanya.
( Grace Casin / UNTV Correspondent )
Dutertemonyo, simbolo ng napakong pangako ng pangulo hinggil sa kontrakwalisasyon.
Ito ang effigy na ibibida ng Kilusang Mayo Uno (KMU) at iba pang militanteng grupo sa isasagawang Labor Day protest bukas, araw ng paggawa.
Ayon sa KMU, nasa walumpung libong raliyista ang makikiisa sa protesta na mag mamartsa mula Kalaw at Welcome Rotonda patungong Mendiola.
Susunugin din ng mga militante ang effigy bilang pagpapakita ng galit sa hindi pagtupad ng pangulo sa kaniyang pangako.
Bukod sa Metro Manila, may kasabay rin na kilos-protesta na isasagawa sa iba’t-ibang bahagi ng bansa.
Kaugnay nito, itataas sa hightened alert status ang Pambansang Pulisya bukas.
Ayon kay PNP Chief PDG Oscar Albayalde, bahala na ang mga regional directors na magtaas nang alerto base sa assessment sa kanilang mga nasasakupan.
Sampung libong pulis din ang kanilang ipakakalat bukas para mapanatili ang kaayusan.
( Lea Ylagan / UNTV Correspondent )
Tags: effigy, KMU, Labor Day protest
Simple lamang ang magiging programa para sa transisyon ng administration sa June 30.
Ayon kay Presidential Communications Secretary Sonny Coloma, sa araw ng inagurasyon bibigyan ng departure honors si Pangulong Benigno Aquino The Third at sasakay pa rin siya sa presidential vehicle pauwi sa kaniyang tahanan sa Time Street, Quezon City.
Ngunit bago ang pagalis ni Pangulong Aquino sa Malakanyang ay gagampanan muna niya ang kaniyang huling tungkulin.
Sa kanyang pagbaba sa tungkulin ay wala ng gagawing farewell statement si Pangulong Aquino.
Sa ngayon wala pang deklarasyon ang Malakanyang kung gagawing holiday ang June 30, ang araw ng panunumpa ng ika-16 na pangulo ng bansa.
Sa huling press briefing rin ni Coloma, ayon sa kaniya malaki rin ang naging papel ng media sa anim na taon ng Administrasyong Aquino sa paghahatid ng impormasyon sa publiko at sa pagbubuo ng polisiya ng pamahalaan.
Dagdag ni Coloma, naging malaking hamon sa kanila ang mga isyu tulad ng 2010 Luneta hostage taking incident, ang usapin sa Disbursement Acceleration Program o DAP at ang 2015 Mamasapano incident.
Kaya naman naniniwala ang malakanyang na dapat ipagpatuloy ang kalayaan ng pamamahayag.
(Nel Maribojoc / UNTV Correspondent)
Tags: huling tungkuling gagampanan, June 30, Pangulong Aquino
