Sang-ayon ang isang election lawyer na hindi na pagbigyan ng Commission on Elections o COMELEC ang hiling na extension sa pagsusumite ng Statement of Contributions and Expenditures o SOCE.
Ayon kay Attorney George Erwin Garcia, nagawa at sinikap ng ibang kandidato at partido na makapagsumite ng SOCE sa oras kaya magiging unfair aniya kung pagbibigyan ang hiling na palugit.
Subalit para kay Attorney Garcia masyadong malupit kung madadamay sa pagkakamali ng partido ang kaniyang mga kandidato.
“Para naman sa akin too harsh, not because nasa kabilang side ako, but that is likewise too harsh not only for the vice presidential candidate but for all other candidates ng political party. Para sa akin just to be fair, napaka unfair naman na parurusahan mo yung kandidato sa kasalanan ng partido. Wala naman silang kasalanan doon. Siguro doon pwedeng maging linient ang komisyon.” Pahayag ni Garcia
(UNTV RADIO)
