Nakilala sa iba’t-ibang bahagi ng mundo ang Fil-Am musician na si AJ Rafael sa pamamagitan ng YouTube. Bukod sa kanyang cover ng mga hit song, nagkaroon na rin siya ng mga collaboration sa ilang mga international artists gaya ni American singer-songwriter na si Tori Kelly.

Gayundin sa kapwa YouTube Stars at ilang mga sikat na Filipino singers tulad nina Yeng Constantino at Moira Dela Torre.

Kaya naman bilang regalo sa kanyang Filipino fans, sa kauna-unahang pagkakataon ay inawitan niya ang mga ito sakay ng Wish bus. Namangha naman ito sa konsepto ng FM studio on wheels at nagpahayag ng pagnanais na makapag-perform sa Wish bus sa Hollywood sa hinaharap.

Pinuri rin ni AJ ang Wish 107.5 dahil sa pagbibigay nito ng venue sa mga independent artist na maiparinig ang kanilang awit. Nangako naman ang Youtube star na magsusulat pa ng maraming awit para sa kanyang fans.

( Leslie Longboen / UNTV Correspondent )

Tags: independent artist, Wish 107-5, Youtube Star AJ Rafael