Mga bus terminal at pantalan sa Metro Manila, ininspkesyon ni PNP Chief Ronald Dela Rosa

by Radyo La Verdad | April 11, 2017 (Tuesday) | 8309

Maagang naglibot sa mga terminal ng bus, paliparan at mga pantalan sa Metro Manila si Philippine National Police Chief Ronald Dela Rosa.

Una niyang sinilip ang sitwasyon sa araneta bus terminal at kinamusta ang mga tauhang nakadestino sa help at complaint desk.

Sinaksihan rin ng PNP chief ang isang anti-terror simulation sa pangunguna ng Quezon City Police District.

Layon ng simulation na masubok ang kakayanan ng pulis sa posibleng banta ng pambobomba.

Mula sa terminal, sumakay ang heneral sa MRT at nakipagsiksikan sa mga pasahero.

Pagdating sa Taft Station agad nagtungo si Dela Rosa sa Ninoy Aquino International Airport upang tignan ang sitwasyon ng mga pasahero.

Matapos magikot sa airport, sumaglit si Dela Rosa sa Baclaran at pagkatapos ay dumiretso sa Manila North Harbor.

Sa kabuuan, sinabi ni Dela Rosa na walang dapat ipangamba ang mga bakasyunista dahil nakabantay sila sa mga terminal.

(Mon Jocson)