Kabilang ang Members Church of God International sa binigyang pagkilala ng NTUC Health noong Sabado. Tumanggap ang MCGI ng Appreciation Award bilang isa sa mga natatanging grupo na nagbibigay ng serbisyo at kasiglahan sa sektor ng katandaan sa mga elder care facility sa Singapore.
Sa tulong ng Singaporean government, pinasimulan ng NTUC Health noong taong 1997 ang pagtugon sa pangangailangan ng mga nakatatanda na nasa middle income health households.
Sa kasalukuyan, kabilang ang MCGI sa mga grupo ng mga volunteer na may pinakamalawak na kontribusyon sa isinasagawang home care services sa bansa.
Sa loob ng limang taong pagbibigay aliw at serbisyo sa mga katandaan dito sa Singapore, malaking kasiyahan sa kalooban ang makita silang nakangiti habang nananabik sa susunod na araw ng pagdalaw ng mga volunteers.
(Joan Teves / UNTV Correspondent)
Tags: Elder Care Facility, MCGI, Singapore
