MANILA, Philippines – Tutol ang mga pharmaceutical companies na magtakda ng price cap sa mga gamot sa bansa.
Sa kauna-unahang public consultation ng Department of Health para sa binubuong Implementing Rules and Regulations (IRR) ng Maximum Retail Price Act, nanindigan ang Pharmaceutical and Health Care Association of the Philippines (PHAP) na posibleng maging hadlang ito sa pagpasok ng mga bagong gamot na galing sa ibang bansa.
“If they feel that the environment is such that it will be that price in such a way that you will be, price at a level which will not be competitive, then Philippines will become one of the last countries to receive the new medicines,” ani Teodoro Padilla, Executive Director, PHAP.
Tiniyak naman ng DOH na hindi makakaapekto ang ipatutupad na price cap sa kalidad ng mga gamot dahil lahat ng regulasyon mula sa paggawa ng mga ito ay dapat dumaan sa pagsusuri ng food and drugs administration.
(Aiko Miguel | UNTV News)
METRO MANILA – Babawasan ng National Food Authority (NFA) ang presyo ng NFA rice para sa mga retailer at ilang ahensya ng gobyerno.
Mula sa P27 ay gagawin ng P25 ang kada kilo. Kabilang sa mga ahensyang may discount ay ang DSWD, BUCOR, BJMP at mga lokal na pamahalaan.
Ibababa na rin sa P23 ang kada kilo ng presyo ng NFA rice para sa mga retailer mula sa P25 kada kilo.
Nangangahulugan ito ng P200.00 kita sa kada sako ng bigas.Pero hindi mababawasan ang presyo ng NFA rice para sa mga mamiili na P27 kada kilo.
“Para mas magaan, mas mabilis yung paglabas ng mga imported rice stocks ng national food authority” ani Agriculture Secretary William Dar.
Samantala sa datos ng NFA noong October 17 nasa 2.5 Million na sako pa ng imported na bigas ang nasa kanilang mga bodega.
(Rey Pelayo | UNTV News)
Tags: NFA rice, Retail price
