Inamin ni incoming Philippine National Police Chief PCSupt. Ronald dela Rosa na marami sa kanyang mga kakilala, kaibigan at kapwa opisyal ang nagla lobby upang magkaroon ng magandang pwesto sa pagpasok ng Duterte administration.

Ayon kay Gen. Dela Rosa, hindi na nawalan ng bisita ang kanyang opisina simula nang sIya ang mapabalitang na susunod na pinuno ng pambansang pulisya.

Sinabi pa ng opisyal na wala syang kinikilalang kaibigan, kakilala at mga pakiusap sa paglalagay sa pwesto sa pambansang pulisya lalo na’t mataas ang expectation sa kanila ng publiko.

Kaya naman pakiusap ni Gen. Dela Rosa sa mga kapwa niya pulis, huwag hadlangan ang pagtatalaga niya ng mga karapat-dapat sa pwesto.

At lalong huwag magtampo kung hindi napagbibigyan ang kanilang mga hinihinging posisyon.

Dagdag ng opisyal malakiang inaasahang pagbabagong taong bayan kaya naman pipili sya sa buong hanay ng pambansang pulisyang mga kwalipikadong opisyal na may dedikasyon at seryosong magtrabaho upang malutas ang problema sa krimen at illegal na droga sa loob ng 3 hanggang 6 na buwan.

(Lea Ylagan/UNTV NEWS)

Tags: lobbying, Philippine National Police Chief PCSupt. Ronald dela Rosa