BAGUIO CITY, Philippines- Patuloy na mararanasan ang malamig na klima sa malaking bahagi ng bansa lalo na sa Baguio City hanggang sa Pebrero ayon sa Philippine Atmospheric, Geophysical and Astronomical Services Administration (PAGASA).
Noong nakaraang Martes ay umabot sa 9 degrees Celsius ang naitalang pinakamalamig na klima sa Baguio City. Kaya naman maraming turista ang sinasamantalang umakyat sa Summer Capital sa bansa para maranasan ang malamig na klima sa lugar.
Mararanasan ang pinakamalamig na temperatura sa Baguio mula alas-kwatro ng madaling araw hanggang alas-siyete ng umaga, pagsapit ng gabi umaabot sa 15 hanggang 17 degrees Celcius ang temperatura.
Paliwanag ni Engineer Aljon Tamondong, weather observer ng PAGASA, “Expect natin na sa February, mas malamig tayo kasi mas active normally mas active ‘yung northeast monsoon natin kapag February. Tulad last year, naranasan natin ang pinakamababang temperature (na) 7.3 degrees Celcius.”
Tags: amihan, Baguio City, climate, Geophysical and Astronomical Services Administration, malamig na klima, PAGASA, Philippine Atmospheric
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
