Malaking bahagi ng slum area ang nasunog sa timog na bahagi ng pinakamataong syudad sa Brazil.
Nagsimula ang sunog sa Paraisopolis Slum alas dos ng hapon at mabilis na tinupok ng apoy ang may isang daan at dalawampung kabahayan.
Nasa isandaang pamilya ang nawalan ng tahanan dahil sa sunog.
Tags: Brazil, Malaking sunog, Sao Paulo
Sa loob ng tatlumpu’t walong taon, naging tanyag na ang programang Ang Dating Daan, hindi lamang sa Pilipinas kundi maging sa ibayong dagat.
Dito sa bansang Brazil, hindi lang ang mga progresibong syudad ang naabot ng programa kundi maging ang mga malalayo at liblib na lugar dito.
Isa sa itinuturing na remote o liblib na lugar sa Brazil ang Almeirim sa estado ng Parà. Mula sa business capital city ng Brazil na São Paulo, limang oras ang byahe sa eroplano bago marating ang pinakamalapit na paliparan sa Almeirim, ang syudad ng Macapa sa estado ng Amapa. Mula rito ay gugugol naman ng halos siyam na oras na byahe sa liblib at masukal na amazona para marating ang Almeirim.
Subalit kahit ang malayong dakong ito ay narating ng pangangaral ng salita ng Dios ni Bro. Eli at Bro Daniel sa pamamagitan ng programang Ang Dating Daan o O Caminho Antigo dito sa Brazil, isa sa nakapakinig ng programa ang pamilya ni Francisco Rodriguez.
Ayon kay Francisco noong una ay ayaw na niyang maniwala sa relihiyon dahil puro mali ang kaniyang nakikita. Subalit hindi siya tumigil ng pagdalingin sa Dios na sana ay masumpungan niya ang katotohanan.
Isang araw ay napakinggan ni Francisco ang programang O Caminho Antigo at agad nakuha ang kaniyang atensyon sa istilo ng pangangaral ni Bro. Eli dahil hindi ito nagkukwento kundi binabasa at may batayan sa Bibliya ang lahat ng kaniyang ipinangangaral.
Dahil dito, nabago ang kaniyang pananaw at naging buo ang kaniyang paniniwala na ang samahang itinataguyod ni Bro. Eli ang totoong samahang sa Dios.
Sinabi rin ni Francisco na masaya at kuntento sila kahit na sila ay mahirap. Ang tanging hiling daw niya ay hindi kayamanan, hindi bagong damit, hindi ang magandang bahay, hindi ang bagong kotse; ang hiling niya ay Dios, ang Iglesia.
Dahil dito sinikap niyang makipag-ugnayan sa Members Church of God International (MCGI). Laking tuwa ni Francisco at ng kaniyang pamilya ng marating ng grupo ang kanilang lugar.
Sa kasalukuyan ang pamilya ni Francisco ay mga aktibong miyembro ng MCGI sa dako ng Almeirim. Ipinagmamaki rin nila ang mangangaral na si Kapatid na Eli Soriano dahil sa pamamagitan niya ay hindi na sila maloloko ng sinomang bulaang pastor sa kanilang lugar.
( Dave Tirao / UNTV Correspondent )
Tags: Ang Dating Daan, Brazil, MCGI
Mula sa dating buhay na walang direksyon at pagpapagala-gala lamang sa kalsada, ito na ngayon ang mga street children na ito mula sa Caloocan at Antipolo.
Ang mga kabataang ito ay hinasa sa football sa ilalim ng programa na binuo ng dalawang misyonaryo mula sa Argentina at Brazil na naka-base na dito sa Pilipinas.
At sa kauna-unahang pagkakataon ay isinagawa ang Argentina and Brazil o A & B Cup na bahagi rin ng program noong Sabado.
Dito naglalaban ang ilang koponan na binubuo ng mga street children at ilan pang mga kabataang Argentinian at Brazilian. Mayroon itong tatlong kategorya base sa edad.
Pangunahing layunin ng A & B Cup na maialis sa lansangan at maiiwas sa mga bisyo ang mga kabataan sa pamamagitan ng sports.
Sa ganitong paraan ay mabibigyang-daan din na matutunan ng mga ito ang laro para maging propesyon nila balang-araw.
Para sa bagong talagang ambassador ng Argentina sa Pilipinas na si Jose Nestor Ureta, mahalaga ang mga ganitong aktibidad hindi lang upang mas mapalaganap ang sports kundi para makatulong sa mga mahihirap na kabataan.
Umaasa naman ang ambassador ng Brazil na makakatulong ang larong ito para magbigay ng inspirasyon sa mga kabataan at ma-develop ang kanilang mga personalidad.
Isa naman sa mga nagwagi ang grupo ni Mico sa second category.
Ayon kay Mico, hindi niya makakalimutan ang karanasan at naging mga kaibigan dahil sa programa.
Bukod sa Caloocan at Antipolo, plano ng mga organizer ng event na madala rin sa ibang lugar pa sa Pilipinas ang kanilang adbokasiya.
( JL Asayo / UNTV Correspondent )
Isinasagawa ngayon ang general elections sa Brazil upang magtalaga ng bagong pangulo at pangalawang pangulo at mga miyembro ng National Congress.
Ito ng itinuturing na highly polarised presidential fight sa bansa sa loob ng ilang dekada.
Kapag walang kandidato na nakakuha ng 50% ng mga boto ay magkakaroon ng second round sa loob ng tatlong linggo.
Nangunguna sa presidentiables ang far-right candidate Jair Bolsonaro habang mahigpit naman niyang kalaban ang left wing candidate na si Fernando Haddad.
Tiwala naman si Philippine Ambassador to Brazil Marichu Mauro na mananatiling matibay ang diplomatic relations sa pagitan ng Pilipinas at Brazil kahit na sino ang manalo sa halalan.
72 taon na aniya ang umiiral na diplomatic relations sa pagitan ng dalawang bansa at hindi na aniya ito basta-basta mabubuwag.
( Dave Tirao / UNTV Correspondent )
Tags: Brazil, National Congress, Pilipinas
