Sa unang araw ng ginaganap na ASEAN Tourism Forum sa bansa, ibinida ni Pangulong Aquino sa mga delegado ang lalo pang paglago ng turismo sa Pilipinas.
Ayon sa Department of Tourism, tumaas ng nasa ten percent o 5.36 million ang bilang ng mga tourist arrivals noong isang taon.
Kasabay nito, tumaas din ang kita mula sa naturang sektor na umabot ng limang bilyong piso.
Ayon kay Pangulong Aquino, ang malagong tourism industry ay nakatutulong ng malaki sa mga ordinaryong mamayaman sa bansa.
Kasabay nito, hinikayat rin ng Pangulo ang mga delegado mula sa iba’t ibang ASEAN Region na isakatuparan ang theme ng ATF ngayong taon na “one community for sustainable”.
Iminungkahi nito na gumawa ang mga ASEAN Country ng mga hakbangin na magpapanatili ng maayos na ecosystem sa kanilang bansa.
Ang ASEAN Tourism Forum o ATF Travex 2016 ay nagsimula kahapon at tatagal hanggang bukas.
Kabilang sa mga dumadalo rito ay ang mga delegado ng ASEAN National Tourism Organizations at Tourism Ministers.
Tags: Malagong tourism industry, ordinaryong mamamayan, Pangulong Aquino
Bulto bultong mga dokumento ang bitbit ng grupong citizens crime sa Office of the Ombudsman. Nakapaloob dito ang mga ebidensya ng grupo laban kay dating Pangulong Benigno Aquino III.
Sinampahan ng reklamong plunder, malversation at graft and corruption ng citizens crime si Aquino dahil sa anila’y maanomalyang pagbili at paggamit ng Dengvaxia vaccine. Ito na ang ikatlong reklamong isinampa laban kay Aquino kaugnay ng Dengvaxia controversy.
Kasamang inireklamo ng grupo sina dating Executive Secretary Paquito Ochoa, dating Budget Secretary Butch Abad, dating Health Secretary Janette Garin at 15 iba pang mga kasalukuyan at dating opisyal ng Department of Health.
Ayon kay Diego Magpantay, ang presidente ng grupo, malinaw sa isinagawang imbestigasyon ng Senado na hindi dumaan sa tamang proseso ang pagbili ng Dengvaxia at nasayang lang ang pera ng pamalahaan dahil dito.
Anila, sa 3.5 bilyong piso na budget para sa proyekto, 500 milyong piso dito ang unaccounted.
Ayon naman kay Atty. Abigail Valte, legal counsel at tagapagsalita ni Aquino, ang panibagong reklamong ito ay hindi talaga para mapanagot ang sinoman kundi nais lamang umano ng mga complainant na magkaroon ng pwesto sa gobyerno.
Pero nilinaw ni Valte na sa handa ang dating pangulo na harapin ang lahat ng mga reklamong laban sa kanya.
( Grace Casin / UNTV Correspondent )
Simple lamang ang magiging programa para sa transisyon ng administration sa June 30.
Ayon kay Presidential Communications Secretary Sonny Coloma, sa araw ng inagurasyon bibigyan ng departure honors si Pangulong Benigno Aquino The Third at sasakay pa rin siya sa presidential vehicle pauwi sa kaniyang tahanan sa Time Street, Quezon City.
Ngunit bago ang pagalis ni Pangulong Aquino sa Malakanyang ay gagampanan muna niya ang kaniyang huling tungkulin.
Sa kanyang pagbaba sa tungkulin ay wala ng gagawing farewell statement si Pangulong Aquino.
Sa ngayon wala pang deklarasyon ang Malakanyang kung gagawing holiday ang June 30, ang araw ng panunumpa ng ika-16 na pangulo ng bansa.
Sa huling press briefing rin ni Coloma, ayon sa kaniya malaki rin ang naging papel ng media sa anim na taon ng Administrasyong Aquino sa paghahatid ng impormasyon sa publiko at sa pagbubuo ng polisiya ng pamahalaan.
Dagdag ni Coloma, naging malaking hamon sa kanila ang mga isyu tulad ng 2010 Luneta hostage taking incident, ang usapin sa Disbursement Acceleration Program o DAP at ang 2015 Mamasapano incident.
Kaya naman naniniwala ang malakanyang na dapat ipagpatuloy ang kalayaan ng pamamahayag.
(Nel Maribojoc / UNTV Correspondent)
Tags: huling tungkuling gagampanan, June 30, Pangulong Aquino
Ilang linggo bago bumaba sa pwesto si Pangulong Benigno Aquino The Third.
Inaprubahan niya bilang ganap na batas ang kontrobersyal na Centenarians Act.
Sa ilalim ng bagong batas, makatatanggap ng 100,000 pesos cash gift ang mga Centenarian bukod sa matatanggap na plaque of recognition at dagdag pa ng cash gift mula sa kanilang mga siyudad.
Matatandaan na noong 2013 vineto ni pangulong aquino ang unang bersyon ng centenarians bill na umani naman ng batikos sa ilang mga grupo.
Ayon kay Presidential Communications Secretary Sonny Coloma, sa Centenarians Act of 2016, wala na dito ang probisyon na pagbibigay ng 75 percent vat exemption na naging dahilan kaya ito naging ganap na batas noong 15th Congress.
Sa veto message ng pangulo noong 2013, malaki ang magiging epekto sa business sector kung maaprubahan ang malaking vat exemption na ito sa Centenarians.
