Tiniyak ng Malacañang na walang seryosong karamdaman si Pangulong Rodrigo Duterte matapos sumailalim sa ilang medical procedures.
Ayon kay Presidential Spokesperson Harry Roque, routine check-up lang ang endoscopy at colonoscopy na pinagdaanan ng Pangulo isang linggo bago ang kaniyang talumpati noong Biyernes.
Dagdag pa nito, sa hectic schedule ng Pangulo, makikitang maayos ang lagay ng kalusugan nito.
Tiniyak din ng palasyo na kung sakaling may matinding karamdaman ang punong ehekutibo ay hindi ito ililihim sa publiko.
