Mahigit sa 90 bahay sa Brgy. 28, Victory Village sa Legazpi City ang natupok sa nangyaring sunog pasado ala-una ng madaling araw.
Sa inisyal na imbistigasyon ng Legazpi Bureau of Fire Protection, nagsimula ang sunog sa nag-spark na electrical post malapit sa bahay ng isang Apolonio Daguiso.
Umabot sa Task Force Alpha ang sunog na mabilis kumalat sa mga bahay na yari sa light materials.
Tinatayang aabot sa dalawangdaang libong piso ang halaga ng mga ari-ariang nasunog.
Namahagi na ng ayuda ang lokal na pamahalaan sa mga nasunugan.
(Hazel Rivero / UNTV Correspondent)
