Isang sunog ang sumiklab sa Barangay Bagumbayan sa Masbate City kaninang alas-dos ng madaling araw.

Sa imbestigasyon ng Bureau of Fire Protection, mahigit sa tatlumpung bahay ang natupok at aabot sa tatlong daang libong piso ang halaga ng mga ari-ariang napinsala.

Posibleng napabayaang nakasinding kandila ang pinagmulan ng sunog dahil walang kuryente nang mangyari ang insidente.

Pansamantalang nanunuluyan sa kanilang mga kaanak ang mga nasunugan at namigay na rin ng relief packs ang lokal na pamahalaan.

(Gerry Galicia / UNTV Correspondent)

Tags: 30 bahay, Masbate City, nasunog