Dalawampu’t tatlong unit ng Dimple Star ang nakahold ngayon sa MIMAROPA Police Office sa Calapan, Oriental Mindoro.
Dalawampu’t walo naman ang nakatengga sa Provincial Police Office sa San Jose, Occidental Mindoro.
Hinuli ng mga pulis ang naturang mga bus matapos bumiyahe pa rin sa kabila ng preventive suspension order na ipinataw sa kanila ng Land Transportation Franchising and Regulatory Board (LTFRB).
Matatandaang sinuspinde ng LTFRB ang byahe ng buong fleet ng Dimple Star matapos ang malagim na aksidente sa Occidental Mindoro noong nakaraang linggo at dahil na rin sa iba pang mga aksidente na kinasangkutan ng kanilang mga bus.
Ayon kay MIMAROPA PIO Chief PSupt. Imelda Tolentino, naharang nila ang mga naturang bus noong madaling araw ng Sabado sa Calapan at patungo sana ng Iloilo City.
Nasa apat na raang pasahero ang naapektuhan ng paghuli ng mga pulis sa naturang mga bus.
( Sherwin Culubong / UNTV Correspondent )
Tags: Dimple Star, LTFRB, PNP Mindoro
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
