METRO MANILA – Sa isang memorandum ng National Telecommunications Commission (NTC) na may petsang June 8, 2022, inaatasan ang mga internet service provider na i-block ang access sa mga website na konektado at sumusuporta umano sa mga terorista at teroristang grupo.
Pinagbatayan ng memo ang sulat ng National Security Council na may petsang June 6, 2022 kung saan hinihiling ni National Security Adviser Hermogenes Esperon na i-block ang mahigit 20 mga website.
Kabilang dito ang website ng National Democratic Front of the Philippines at ni Communist Party of the Philippines (CPP) founder Jose Maria Sison.
Katwiran ni Esperon, designated ng Anti-Terrorism Council bilang mga terorista ang mga miyembro ng central committee ng CPP-NPA at ang NDFP.
Pero kasama rin sa pinapa block ang websites ng ilang mga organisasyon gaya Ng Bagong Alyansang Makabayan at Pamalakaya at ilang independent media gaya ng Bulatlat at Pinoy weekly.
Ayon kay Bayan Muna Chairperson Neri Colmenares, ang ginawang ito ni Esperon ay direktang pag-atake sa kalayaan sa pamamahayag at free expression.
Kung may dapat man umanong harangan ang NTC at Anti-Terrorism Council, dapat nila itong simulan sa mga nagpapakalat ng fake news na higit na mapanganib sa lipunan.
Mariin namang kinundena ng Bulatlat ang pagkakasama ng kanilang website sa pinapa-block ng NTC.
Tanong nila, ano ang ikinatatakot ng mga nasa kapangyarihan sa pagsasabi ng totoo?
Ayon naman kay Acting Presidential Spokesperson Secretary Martin Andanar, ang hakbang na ito ng NTC ay bilang tugon lamang sa request ng National Security Council alinsunod sa kanilang mandato.
May mga legal remedy pa naman aniya na maaaring gawin ang mga grupo kabilang na ang ilang online media organization na apektado ng nasabing memo.
(Allan Manansala | UNTV News)
METRO MANILA – Talamak pa rin ang gawain ng scammers na gumamit ng mga hindi rehistradong sim card sa kabila ng pagpapatupad ng sim card registration law ayon sa imbestigasyon ng Cybercrime Investigation and Coordinating Center (CICC).
Kaya patuloy ang paalala ng CICC sa publiko na huwag pansinin ang mga mensahe o tawag na magmumula sa mga hindi kilalang numero.
Bunsod ng problemang ito, makikipagtulungan muli ang CICC sa National Telecommunication Commission (NTC) para makahanap ng paraan kung paano matitigil an mga ganitong gawain.
May nakikita rin ang CICC na loopholes sa sistema ng mga telco kaya hinihintay rin nila ang paliwanag mula sa mga ito.
Paalala ng Cybercrime Investigation and Coordinating Center (CICC) mas maigi na huwag na itong patulan at i-report nalang sa mga kinauukulan.
METRO MANILA – Nagbabala ang National Telecommunications Commission (NTC) Region 11 sa publiko, na huwag bumili ng rehistrado nang SIM.
Ayon kay NTC Region 11 Regional Director Nelson Cañete, kapag bibili ng SIM card, ang may-ari o ang gagamit nito syang magrerehistro. O di kaya’y magpatulong sa kakilala kung hindi marunong.
Ang babala ng NTC Region 11 ay sa gitna ng isyu na nakalusot sa mga telco ang litrato ng isang unggoy matapos nilang subukang irehistro ito sa SIM registration.
Ayon kay Cañete anomang problemang posibleng maidulot ng SIM, kung sino ang nakapangalan dito ay siya ang mananagot.
METRO MANILA – Umabot na sa mahigit 100 milyon ang mga nairehistrong Subscriber Identity Module (SIM) sa bansa.
Ayon sa National Telecommunications Commission (NTC), 100,048,884 na ang registered SIM as of June 20, 2023.
59.55% ito ng 168,016,400 na active SIMs sa bansa.
Sa July 25 ang extended deadline sa pagpaparehistro ng SIM.
Tags: NTC, SIM Registration
