Welcome development para sa Malakanyang ang paglagda ng 17 senador sa Joint Committee Report para sa pagsisimula ng pagtalakay sa panukalang Bangsamoro Basic Law.
Ayon kay Presidential Communication Operations Office Secretary Herminio Coloma Junior, senyales lamang ito na handa na nilang busisiin ang mga kontrobersyal na probisyon sa BBL.
Anya patuloy ding isusulong ng Malakanyang ang pagpapasa ng bbl sa Kamara de Representante.
Napapaloob sa bersyon ng proposed BBL na isinumite sa Senado ng Committee on Local Government na pinamumunuan ni Senator Bong bong Marcos.
Ang mga probisyon sa pagtatatag ng Bangsamoro Political Entity na ipapalit sa Autonomous Region in Muslim Mindanao.
Kabilang na rito ang mga probisyon sa pagtatakda ng magiging teritoryo ng Bangsamoro, self governance, political at electoral systems, power sharing ng national government at bangsamoro, at mga opisyal na bubuo nito ay matatalakay sa pagsisimula ng pagdinig ng Senado sa draft BBL bukas na sponsor ni Senator Marcos.
Umaasa naman ang Malakanyang na ikokonsidera ng Senado ang mga mahahalagang probisyon na napagkasunduan na sa pagitan ng pamahalaan at Moro Islamic Liberation Front.
Una na ring sinabi ni Pangulong Aquino na nananatili siyang bukas sa bersyon ng BBL ni Senator Marcos kung ito ay mas magiging maganda kumpara sa orihinal na bersyon ng draft BBL. ( Nel Maribojoc/ UNTV News)
Tags: Presidential Communication Operations Office Secretary Herminio Coloma Junior
Maraming isinaalang-alang ang Liberal Party bago maisapinal ang line up ng mga sasabak sa 2016 national elections.
Kahit ang mga itinuturing na baguhan sa pagtakbo sa mataas na posisyon o sa pagka-senador ay pinag-aralan ding mabuti ng partido.
Ayon kay Presidential Communication Operations Office Secretary Herminio Coloma Junior, isinaalang alang dito ang pagkakaroon ng mga kinatawan ng mga mahahalagang stakeholder group.
Inihalimbawa ng Malakanyang sina COOP NATCCO Representative Cresente Paez at DILG Assistant Secretary Nariman Ambolodto na kumakatawan sa Bangsamoro community.
Paliwanag pa ni Secretary Coloma ang naging batayan rin ang mga kakayahan ng mga bawat kandidato.
Kaya ayon sa Malakanyang, magiging madali ang pangangampanya maging ni Pangulong Aquino sa komposisyon ng LP Slate para sa darating na halalan.
Sinabi naman ni LP Chairman for Political Affairs Caloocan Representative Edgar Erice, na may sapat pang panahon upang maipakilala sa taumbayan ang kakayahan ng pambato ng administrasyon sa darating na halalan. ( Nel Maribojoc / UNTV News )
Tags: COOP NATCCO Representative Cresente Paez, DILG Assistant Secretary Nariman Ambolodto, Presidential Communication Operations Office Secretary Herminio Coloma Junior
Nakapagtala muli ng mataas na satisfaction rating si Pangulong Benigno Aquino the third sa 3rd Quarter ng 2015.
Batay sa bagong survey ng Social Weather Station, 64% ng kanilang mga respondent ang nagsasabing kuntento sila sa naging trabaho ng Pangulo mula 57% noong nakaraang Quarter.
22% naman ang hindi kuntento mula sa dating 27%.
Umangat ng labing isang puntos ang Net Rating ng Pangulo sa positive 41 mula positive 30 noong 2nd Quarter ng 2015.
Ito na ang pinakamataas na satisfaction rating ng Pangulo mula March 2014.
Ikinatuwa naman ng Malakanyang ang bagong resulta ng survey.
Ayon kay Presidential Communication Operations Office Secretary Herminio Coloma Junior, muli nitong pinatutunayan ang tiwala ng taumbayan sa pamamahala ng administrasyong Aquino.
Partikular na dito ang pag-aangat sa buhay ng mga Pilipino na resulta ng nagiging magandang takbo ng ekonomiya ng bansa sa nakaraang limang taon. ( Nel Maribojoc / UNTV News )
Tags: Presidential Communication Operations Office Secretary Herminio Coloma Junior
Pinawi ng Malakanyang ang pangamba ng publiko sa ulat na nakapasok ang na ang nakamamatay na ebola virus sa bansa.
Ayon kay Presidential Communication Operations Office Secretary Herminio Coloma Junior, iba ang uri ng ebola virus na nakita sa ilang unggoy sa isang pasilidad sa bansa at hindi naman ito nakapagdudulot ng sakit sa tao.
Tiniyak din ng Malakanyang na nagtutulungan na ang mga kinauukulang ahensya ng pamahalaan upang hindi makapasok sa Pilipinas ang ebola virus at iba pang nakamamatay na mga sakit.
“Ayon sa Department of Health ang uri ng ebola na nakita sa bansa ay hindi kahalintulad sa strain na kumalat sa Africa ang klase ng ebola na ito ay ebola reston ay dati nang nakita sa bansa at naidokumento ng DOH na hindi nakapagdudulot ng anumang sakit sa tao”. Pahayag ni Presidential Communication Operations Office Secretary Herminio Coloma Junior.
Tags: Presidential Communication Operations Office Secretary Herminio Coloma Junior
