METRO MANILA – Naramdaman Kahapon (Dec. 17) ang 6.9 magnitude na lindol sa Davao Del Sur.
Base sa tala ang Philippine Institute of Volcanology and Seismology (PHIVOLCS) ang sentro ng lindol ay naramdaman 6 na kilometro ang layo sa Padada, Davao Del Sur na may lalim na 30 kilometro.
Intensity 7 ang naramndaman sa Matanao at Magsaysay Davao Del Sur.
Intensity 6 sa Kidapawan; General Santos; Bansalan, Davao Del Sur; Alabel at Malapatan, Sarangani at Koronadal City.
Ramdan naman ang Intensity 5 sa Tulunan at Matalam Cotabato; Cotabato City; Davao City at Sarangani.
Habang Intensity 1-3 naman sa Zamboanga Del Sur; Bukidnon; Cagayan De Oro; Dipolog City; at ilang bahagi ng Bukidnon.
Matatandaang una na ring niyanig ng 3 magkakasunod na lindol ang Cotabato City noong October 16, 29 at 31.
Tags: Davao Del Sur
METRO MANILA – Isinagawa ang groundbreaking ceremony ng kauna-unahang itatayong Super Health Center (SHC) sa Davao Del Sur nitong June 5 sa Brgy. Zone 3, Digos City. Mayroon itong kaukulang budget na P11.5-M.
Ayon kay Senator Christopher Bong Go, layon ng programa na matulungang ma-decongest ang mga ospital sa lalawigan at mailapit ang serbisyong medikal sa mga kababayan nating nasa malalayong lugar.
Ang SHC ay pinondohan sa ilalim ng Health Facility Enhancement Program ng Department of Health (DOH), upang komprehensibong makapaghatid ng basic health services gaya ng laboratory, X-ray, ultrasound, birthing servicers, diagnostic, pharmacy at emergency services; kabilang din dito ang pagtatalaga ng Outpatient Department.
Nakalaan ang P6.5-M mula sa kabuuang budget sa pagsasagawa ng istruktura ng proyekto at ang natitirang P5-M ay para naman sa mga makinarya at kagamitang kakailanganin ng health center.
Kaugnay nito, ang iba pang components gaya ng maintenance at staffing ng SHC ay sasagutin na ng lokal na pamahalaan ng probinsya.
Samantala, inaasahang matapos Setyempre ngayong taon ang nasabing proyekto.
(Renajane Coyme | La Verdad Correspondent)
Tags: Davao Del Sur, Super Health Center
METRO MANILA – Nasa tahanan niya sa Davao City si Pangulong Rodrigo Duterte kasama ang kaniyang anak na si Veronica nang tumama ang Intensity Five na lindol sa Davao City at magnitude 6.9 na lindol sa Davao Del Sur Linggo (Dec.15) ng hapon.
Dahil sa lakas ng pagyanig, may mga istruktura ang nasira at gumuho sa iba’t ibang bahagi ng Mindanao.
Tiniyak ng Malacañang na di naman nasaktan at nasa maayos na kalagayan ang Punong Ehekutibo at pamilya nito matapos ang lindol.
Samantala, siniguro rin ng palasyo na nakatutok sa sitwasyon ang executive branch sa pamamagitan ng National Disaster Risk Reduction And Management Council (NDRRMC).
Inatasan din ang lahat ng ahensya ng pamahalaang tumugon at agad na magbigay ng kinakailangang ayuda sa mga naapektuhang residente.
Pinakikiusapan naman ng tanggapan ng Punong Ehekutibo ang publiko na manatiling kalmado at alerto dahil sa mga inaasahang aftershocks.
Nagpaalala rin ang pamahalaang iwasang magkalat ng mga maling impormasyon na maaaring magdulot ng alarm at panic sa mga apektadong komunidad.
Noong Oktubre at Nobyembre, 4 na malalakas na lindol ang naranasan sa iba’t ibang bahagi ng Mindanao.
(Rosalie Coz | UNTV News)
Tags: Davao Del Sur, earthquake
DAVAO DEL SUR – Hindi pa rin nakikita ang 3 residente ng Davao Del Sur. Kaya hindi tumitigil ang iba’t ibang rescue team sa paghahanap sa mga nawawalang biktima.
Nilinaw naman ng National Disaster Risk Reduction and Management Council (NDRRMC) na 21 at hindi 22 lang ang bilang ng mga nasawi sa lindol sa Mindanao dahil nadoble lang ang pagkakakilanlan sa isa sa mga biktima. Siksikan pa din sa 32 evacuation centers sa Davao Del Sur at North Cotabato ang mahigit 20,000 residente na lumikas dahil sa lindol.
Samantala problema isa sa mga problema ng mga pamilyang apektado ay ang mga kakulangan sa palikuran. Wala pa ring natutukoy ang lokal na pamahalaan na permanenteng lugar na paglilipatan sa mga ito.
Maliban dito, pinangangambahan din ng lokal na pamahalaan sa Davao Del Sur ang posibleng pagkakaroon ng landslide sakaling magkaroon ng malakas na ulan sa mga apektadong lugar.
(Hazel Fuerzas | UNTV News)
Tags: Davao Del Sur, earthquake
