Tinulungan ng UNTV News and Rescue Team ang isa sa dalawang nasugatan sa aksidente sa bahagi ng north bound ng EDSA Balintawak pasado alas nuebe kagabi.
Kinilala ang biktima na si Orlando Rosinas, 28 taong gulang na residente ng Road 10 sa Navotas City.
Nadatnan ng rescue team sa tabi ng daan ang dalawa na hindi makagalaw at iniinda ang kanilang mga tinamong pinsala.
Nilapatan ng firs aid ng UNTV Rescue ang driver ng motorsiklo na si Rosinas na nagkaroon ng mga sugat sa mukha at nagdurugo ang bibig nito.
Ang angkas naman nitong si Sharon Martin ay tinulungan ng MMDA Rescue. Kapwa inihatid sa MCU Hospital ang dalawag biktima.
Ayon sa nakakita sa pangyayari, matulin ang takbo ng motorsiklo kayat naaksidente ang mga ito.
Kwento naman ng mga biktima, galing sila sa videoke bar at pauwi na sana sila nang hindi mapansin na sa pag u-turn ay diretso na pala sila sa poste ng kuryente.
Muli namang paalala ng mga otoridad sa mga motorista na huwag magdrive kung nakainom ng alak para makaiwas sa disgrasya.
( Reynante Ponte / UNTV Correspondent )
METRO MANILA – Maaga pa lamang Kahapon (Feb. 26) tumukod na ang traffic mula Balintawak hanggang Edsa Monumento, at mas lumala pa hanggang Kagabi matapos isara ang 2 lane sa South Bound ng Edsa Balintawak.
Pansamantalang isinara ang bahagi ng kalsada upang bigyang daan ang konstruksyon ng Metro Manila Skyway Stage 3 Project.
Isa itong elevated expressway na may habang 14.82 kilometers mula Buendia sa Makati hanggang sa Balintawak Quezon City.
Nakapagtayo na ang contractor ng girder sa ibabaw ng tulay sa Balintawak na magsisilbing pundasyon upang maidugtong ang bahagi ng skyway.
Ayon kay MMDA Edsa Traffic Chief Edison Bong Nebrija, mahigit sa 40% ng kalsada sa Balintawak ang naokupa ng proyekto.
Pansamantalang sarado ang 2 lane ng Balintawak hanggang sa March 14.
“Traffic talaga mabigat, na forsee na namin yan even before the start,ang problema kasi talaga diyan sa edsa balintawak na yan wala ka naman talagang alternate route..malayo” ani Edsa Traffic Chief, MMDA Edison “Bong” Nebrija.
Maaaring ipuwesto ng mga contractor ang heavy equipment sa kalsada sa pagitan ng alas-11 ng gabi hanggang alas-4 ng madaling araw at hindi na dapat abutin pa ng rush hour.
“Walang maiiwang equipment outside the area that we have given them halimbawa may crane na silang nakalagay sa two lanes ngayon baka magkaroon sila ng additional equipment in building that crane ang sa amin lang maalis nila yan during rush hours 2 lanes lang tayo” ani Edsa Traffic Chief, MMDA Edison “Bong” Nebrija.
Pinapayuhan ng MMDA ang mga motorista na humanap muna ng alternatibong ruta o planuhin ng mas maaga ang kanilang pagbiyahe upang hindi maperwisyo ng matinding traffic.
Para sa mga motoristang mangagaling ng Caloocan at pupunta ng Quezon City, maaring dumaan ng C-3 road. Habang ang mga magmumula naman ng Valenzuela, Malabon at Navotas ay maaring dumaan sa Karuhatan, Tatagos ng NLEX saka lulusot sa Mindanao Avenue.
(Joan Nano | UNTV News)
Tags: EDSA-Balintawak, Skyway
MARIKINA, Philippines – Sa tunay na diwa at esensya ng pagkakawanggawa, muling idinaos ng nagiisang Public Service Channel sa bansa ang UNTV Rescue Summit. At sa ikaapat na taon ng Summit, lalong pinaigting ng UNTV ang bawat activities na pwedeng lahukan ng publiko upang matuto sa pagsagip ng buhay at makapaghanda sa mga kalamidad.
Naging panauhing pandangal si Philippine Institute for Volcanology and Seismology at Department Of Science And Technology Undersecretary Renato Solidum upang ihatid ang isang mahalagang mensahe tungkol sa 7.2 magnitude na lindol o mas kilala na “The Big One” na maaaring tumama sa Metro Manila.
“Hindi natin alam kung kailan dadating ang malakas na lindol pwedeng biglaan ito at dapat tayo ay wag mag panic maging ligtas para makatulong sa ibang kababayan natin,” pahayag ni Usec. Renato Solidum.
Ang Marikina City Rescue na host ng Summit katulong ang UNTV Rescue ang siyang nag konsepto ng mga pagsubok .
“Maraming salamat sa UNTV sa Rescue summit na ito mas pinalalakas nyo po ang loob namin dito sa marikina at lahat ng nasa bansa na ang lindol bagkus katukatan dapat paghandaan”, wika ni Marikina Mayor Marcy Teodoro.
Ibat ibang rescue groups sa bansa ang nakiisa upang ipamalas ang kanilang mga kakayahan sa pamamagitan ng isang rescue competition .
Kabilang sa mga nakilahok ay ang Provincial Disaster Risk Reduction and Management Office ng Palawan, Ilocos Sur, Camarines Sur, Cagayan, Bulacan, Nueva Vizcaya, Laguna at City Disaster Risk Reduction and Management Office ng Balanga Bataan, at San Pedro Laguna.
Lahat ng dumalo ay nakatanggap ng libreng training at seminar sa disaster concept and management, family disaster plan, hands-only CPR, wound management and limb injury management at basic ropemanship and hazardous material orientation.
Nagkaroon rin ng pagkakataon na maipakita ng ibat ibang grupo ang kanilang mga rescue equipment at vehicles.
Hindi rin nagpahuli ang UNTV at ipinakita ang iba’t ibang mga drone na ginagamit nito sa pagkalap ng balita at pagsagip ng buhay, mula sa aerial hanggang sa underwater drone.
Nakilahok sa exhibit ang ibat ibang mga rescue groups ng mga lokal na pamahalaan sa bansa maging ng mga ahensya ng pamahalaan.
Ipinamalas rin ng UNTV Rescue, Marikina Rescue At Bureau Of Fire Protection ang kanilang galing sa pagsagip ng buhay sa pamamagitan ng isang simulation
“’Wag kayo panghinaan ng kalooban makaka asa kayo na ang UNTV kasama ng bumubuo ng rescue summit ay patulong sa awat tulong ng Panginoon ay magiging katuwang nyo ano man po ang maaari namin ma i-extend ano man po ang maaari naming maialay sa kapakanan ng ating kapwa tao ay makakaasa po kayo sa tulong ng Dios na lagi pong nandito ang UNTV para sa paglilingkod sa ating mga kababayan,” ani Kuya Daniel Razon, CEO ng UNTV at BMPI.
Matapos ang kumpetisyon, itinanghal na kampeon sa emergency race ang Camarines Sur Rescue team na tumanggap ng 2 million pesos.
2nd place ang Nueva Vizcaya na nagkamit ng 1.5 million pesos, 3rd place naman ang Balanga Bataan Rescue Team na nakakuha ng 1 million pesos.
Hindi naman umuwing luhaan ang ibang team dahil nakatanggap 500 thousand pesos ang 4th placer na Laguna Rescue Team, 100 thousand pesos ang Ilocos Sur na nasa 5th place at Cagayan Rescue Teamsa 6th place at tag 50 thousand pesos naman ang San Pedro Laguna, Palawan at Bulacan Rescue Team.
Ayon sa Camsur Rescue, gagamitin nila ang napanalunang halaga para sa pag-a-upgrade ng kanilang mga gamit.
“I-priority namin ang mga gamit then kung makabili kami ng gamit at may matira pa siguro mag training kami which is kailangan namin upang maging resilient ang CamSur during disaster,” paliwanag ni John Manaog, Squad Leader, Camarines Sur Rescue.
Bukod sa public service, isang mini concert rin ang isinagawa sa pangunguna ng Wish FM 1075 sa Marikina Sports Center.
Mon Jocson | UNTV News
Tags: 4th UNTV Rescue Summit, BMPI-UNTV CEO Daniel Razon, UNTV NEWS AND RESCUE
Nagtamo ng sugat sa kanang siko at pasa sa ulo si Ericson Fernandez, 18 taong gulang, habang sugatan naman sa kanang siko at tuhod ang tinamo ni Alisa Ijirani. Ito ay matapos bumangga ang kanilang sinasakyang motorsiklo sa kasalubong na sasakyan sa Barangay Santa Maria, Zamboanga City pasado alas dose kaninang madaling araw.
Agad na nilapatan ng pangunang lunas ng UNTV News and Rescue Team ang mga sugat ng mga biktima.
Pagkatapos nito ay tumanggi na ang mga ito na magpadala sa pagamutan.
Ayon sa mga biktima, madilim ang kalsada kaya hindi nila napansin ang kasalubong na sasakyan.
( Dante Amento / UNTV Correspondent )
Tags: UNTV NEWS AND RESCUE, vehicular accident, Zamboanga city
