METRO MANILA, Philippines – Mas mapapabilis ang pag aresto ng mga otoridad kay alyas “Bikoy” ayon kay PNP Spokesperson PCOL. Bernard Banac ito’y dahil sa kahandaan ni Rodel Jayme na makipagtulungan sa mga otoridad.

Si Rodel Jayme ay ang administrator ng Metro Balita website kung saan ini-upload ang paninira sa pamilya ni Pangulong Duterte sa serye ng “Ang Totoong Narcolist”.

Sinabi pa ni Banac na suportado ng PNP ang accomplishment ng NBI sa pagkakaaresto kay Jayme.

Matatandaang noong April 30, ni-raid ng mga tauhan ng NBI ang bahay ni Jayme kung saan natagpuan ang computer, mobile phone at billing statement ng kanyang internet provider.

Si Jayme ay sinasabing boluntaryo ding nagtungo sa NBI Headquarters.

(Lea Ilagan / UNTV News)

Tags: Bikoy, Metro Balita website, Rodel Jayme