Inilabas na ng LRT Line 1 at MRT Line 3 ang mga bagong schedule nito sa paparating na mahabang holiday.
Magsisimula ang operasyon ng LRT 1 sa December 24 mula alas kuatro y medya ng madaling araw hanggang alas otso ng gabi.
Sa December 31 naman magsisimula ang operasyon sa ganap na alas 4:30 ng madaling araw hanggang alas 7:00 ng gabi para bigyang-daan ang pagpapalit ng taon.
Normal ang operasyon ng LRT 1 sa December 25, 2017 at January 1, 2018 mula alas 4:30 ng madaling araw hanggang alas 9:50 ng gabi.
Sa December 24 at 31 naman magsisimula ang operasyon ng MRT 3 sa ganap na alas 4:45 ng madaling araw hanggang alas 8:26 ng gabi. Sa December 25 at January 1, magsisimula ang operasyon nito sa ganap na alas 6:30 ng umaga hanggang alas 9:50 ng gabi at sa December 30, alas 4:45 ng madaling araw hanggang alas 9:50 ng gabi.
Wala pang inilalabas na schedule ang LRT 2 management.
Tags: holiday schedule, LRT-1, MRT 3
METRO MANILA – Magdaragdag ang Light Rail Manila Corportation ng mga bibiyaheng tren sa linya ng LRT-1, simula sa darating na October 1.
Itoý upang maserbisyuhan ang dumaraming bilang ng mga pasahero lalo na ngayong ber months.
Gayundin ang pagdami ng mga estudyante na balik face-to-face classes na sa iba’t ibang mga eskwelahan at unibersidad.
Kaugnay nito magkakaroon ng adjustment sa oras ng biyahe ng mga tren para sa tuloy-tuloy na maintenance at upgrade program sa operasyon ng LRT 1.
Simula October 1, magsisimula ang unang biyahe ng mga tren sa Baclaran at Fernando Poe Junior stations ng ala-5 ng umaga tuwing weekend at kapag holiday.
Habang bibiyahe ang huling tren sa Baclaran station ng 9:30pm, at 9:45pm naman sa Fernando Poe Jr. station.
Wala namang magiging pagbabago sa oras ng biyahe ng LRT-1 tuwing weekdays o mula sa mga araw ng Lunes hanggang Biyernes.
Sa pamamagitan ng bagong adjustment, inaasahang tataas ng 10% ang weekday operations ng LRT-1, at 20% naman na increase tuwing weekend.
Tags: LRT-1
METRO MANILA – Inaprubahan na ni Department of Transportation (DOT) Secretary Jaime Bautista ang petisyon ng Rail Regulatory Unit na magpatupad ng dagdag-pasahe sa linya ng LRT 1 at LRT 2.
Gayunman hindi pa masisimulan ang implementasyon nito, matapos na ipagutos ni Pangulong Ferdinand Marcos Junior na ipagpaliban muna ang paninigil ng dagdag-pasahe.
Batay sa inaprubahang fare hike petiton, tataas ng P22.29 ang boarding fee sa 2 linya ng LRT.
At dagdag na P0.21 sa kada-kilometro ng biyahe.
Nangangahulugan ito na magiging P13.29 na ang boarding fee sa LRT-1 at LRT 2 mula sa kasalukuyang P11.
Habang ang singil sa kada kilometro ng biyahe ay magiging P1.21 mula sa kasalukuyang P1 lamang.
Hindi rin muna magkakaroon ng fare hike sa MRT-3 dahil ayon sa DOTr mayroon pang kailangang ayusin sa proseso at requirements.
Ayon naman sa ilang pasahero, hindi pa napapanahon ang pagpapatupad ng dagdag-pasahe sa LRT.
Taong 2015 nang huling ipatupad ang fare hike sa LRT-2 at MRT-3.
Habang makailang ulit na ring naghain ng petisyon ang Light Rail Manila Corportation para sana makapanigil ng dagdag-pasahe.
Ayon sa mga Railway operator malaking tulong sana ang fare increase upang mapagibayo pa ang serbisyo sa mga pasahero gayundin ang pagsasaayos sa technical at iba pang pasilidad ng mga railway system.
(JP Nunez | UNTV News)
METRO MANILA – Pinalawig hanggang sa December 31 ang extended train service hours ng LRT 1.
Mula Lunes hanggang Sabado 11:00pm ang huling biyahe ng tren ng LRT sa Baclaran Station habang 11:15pm naman sa Roosevelt Station.
Kapag araw ng Linggo, 9:30pm ang huling biyahe sa Baclaran Station habang 9:45pm naman sa Roosevelt Station.
4:30am naman ang unang biyahe ng mga tren.
Tags: LRT-1
