Umiiral ngayon ang isang low pressure area (LPA) sa layong 405km sa silangan ng Hinatuan, Surigao del Sur.
Ayon sa PAGASA, magdudulot ang trough o extension nito ng kalat-kalat na pag-ulan sa Mindanao at Eastern Visayas.
Parehong kondisyon din ang mararanasan sa Bicol at Palawan dahil naman sa epekto ng tail-end of a cold front.
Umiiral din ngayon ang amihan na magdudulot ng papulo-pulong pag-ulan sa Metro Manila at nalalabing bahagi ng Luzon. May mga thunderstorms din sa Western at Central Visayas.
Ayon sa PAGASA, tatawid sa Mindanao ang LPA at posible itong maging bagyo pagdating sa Sulo Sea.
Papangalanan itong Simeon sa oras na maging bagyo na siyang panglabing siyam na bagyo na pumasok sa Philippine area of responsibility (PAR) ngayong taon.
METRO MANILA – Posibleng pumasok sa bansa ang isa hanggang sa 2 bagyo ngayong buwan ng Mayo.
Ayon sa forecast ng PAGASA, may 2 posibleng senaryo na maaaring tahakin ng bagyo.
Una rito, ang maaaring paglapit ng bagyo sa kapuluan, bago kumilos papalayo ng bansa.
Habang ang ikalawa naman ay maaaring tumawid ang bagyo ng Eastern Visayas, Bicol, Mimaropa at ilan pang bahagi ng Luzon hanggang makalabas ng West Philippine Sea.
Sa ngayon ay wala pang namomonitor ang ahensya na namumuong Low Pressure Area (LPA) sa loob at labas ng Philippine Area of Responsibility (PAR).
Nagpaalala naman ito sa publiko na patuloy na imonitor ang weather updates, dahil nagbabago-bago rin ang track ng bagyo.
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
Mahigpit na seguridad ang ipinapatupad ngayon ng Eastern Mindanao Command (EastMinCom) matapos iakyat sa red alert ang kanilang status kasunod ng nangyaring pagtama ng magnitude 7.4 na lindol sa Caraga Region at bombing incident sa Marawi City.
Kabilang sa isinagawang hakbang ang intensified checkpoint operations na ipinatutupad sa area of responsibility ng ahensya.
Kasama na rito ang bus boarding operations, foot and water patrols, at enhanced troop visibility sa mga crowded areas katuwang ang Davao City Police Office.
Samantala, naka-standby ngayon ang 30 Humanitarian Assistance and Disaster Response (HADR) team na idineploy ng EastMinCom upang mag-assist sa bawat Local Government Units (LGUs) matapos ang tumamang lindol sa Hinatuan, Surigao Del Sur at mga apektadong bahagi ng Eastern Mindanao.
Maagap din ang pagsasagawa ng mobile security patrol ng AFP gayon na rin ng transportation assistance, monitoring/ocular inspection para sa mga nasirang imprastraktura at iba pa.
Batay sa latest report, nasa 16 na paaralan na ang apektado ng naturang lindol, habang mahigit 500 ang mga nasirang bahay, 38 gusali, at 4 na tulay ang partially o totally damage sa iilang bahagi ng Caraga at Davao Region.
Aabot din sa mahigit 3,000 pamilya na binubuo ng 61, 791 individuals kung saan 14 ang naitalang sugatan habang 3 ang kumpirmadong nasawi.
Ayon pa kay EastMinCom Commander Lt. Gen. Greg Almerol, bagaman nananatiling isolated ang bombing incident sa Marawi City, tinitiyiak aniya na hindi nila papabayaan kaligtasan ng Mindanao partikular ng Eastern Mindanao.
(Fe Gayapa | La Verdad Correspondent)
