Isang inspirasyong maituturing ang bansang China pagdating sa patuloy na paglago at pagtatag ng kanilang ekonomiya. 1970’s nang nagsimula ang bilateral relations ng Pilipinas at China. Simula pa noon, masasabing maayos ang pakikitungo ng dalawang bansa sa isa’t-isa.
Sa kabila ng pagkapanalo ng Pilipinas sa 2016 The Hague Decision, tahimik pa rin ang dalawang bansa sa diplomatikong paraan para patuloy na resolbahin ang isyu ng West Philippine Sea (WPS).
Sa kabila nito, tila nababahiran naman ng maling interpretasyon ang mga tulong na inaalok ng China sa Pilipinas. Ang belt and road project ang isa sa mga inisyatibo ng China pagdating sa pagtulong nito sa mga bansa.
Nakinabang sa Belt and Road Initiative (BRI) ang ilang bansa tulad ng Sri Lanka at Pakistan, pero tila nabaon sa utang sa China ang mga ito.
Sa kabila nito, ayon kay Professor Lucio Blanco Pitlo III, malayong mangyari ito sa Pilipinas kung sakaling magtutuloy-tuloy ang alok na tulong ng China dahil kumpara sa ilang kalapit na bansa, may mas mataas na credit rating at stable ang economic growth ng Pilipinas.
Dapat aniyang pag-aralang mabuti ng pamahalaan ang mga proyekto at kasunduang papasukin nito sa gobyerno ng China para hindi matulad sa pagkakasadlak ng ilang bansang tinanggap ang BRI ng China.
Payo din ni Jose Luis Yulo Jr., ang presidente ng Chamber of Commerce of Philippine Islands na dapat maging smart player ang gobyerno dahil ganito rin ang ginawa ng bansang Japan at South Korea.
Umaasa naman ang ilang eksperto na mas mapalalakas pa ang relasyon at mas mapapalawig ang kalakaran ng dalawang bansa, sa pagbisita ni President Xi Jing Ping sa ikatlong linggo nitong Nobyembre.
( JL Asayo / UNTV Correspondent )
Tags: China, Pilipinas, President Xi Jing Ping
METRO MANILA – Nagbigay ng sagot ang China sa pahayag na sinadya nito ang agresibong aksyon ng China Coast Guard laban sa tropa ng Pilipinas na nagsagawa ng rore misyon sa Ayungin Shoal noong June 17.
Ayon kay China Ministry of Foreign Affairs Spokesperson Mao Ning, nilinaw na ng China ang nangyari at ang posisyon nito sa umano’y ilegal na pagpasok ng mga sasakyang pandagat ng Pilipinas sa Ayungin Shoal na tinatawag nilang Ren’ai Jiao, at iginiit na teritoryo ito ng China.
Sinabi rin ni Mao na dapat itigil na ng Pilipinas ang umano’y probokasyon at paglabag nito sa soberanya ng China,
Isaayos ang maritime differences sa pagitan ng 2 bansa sa pamamagitan ng negosasyon at konsultasyon, at magtulungan para sa pagtsataguyod ng kapayapaan sa South China Sea.
METRO MANILA – Dapat ipatawag na ang Chinese ambassador sa Manila dahil sa huling agresyon ng China sa West Philippine Sea (WPS).
Isang Philippine Navy Service member ang naputulan ng daliri at anim na iba pa ang nasugatan kasunod ng banggaan ng 1 Chinese ship at Philippine vessel na nasa isang rotation at resupply mission sa Ayungin Shoal, araw ng Lunes, June 17.
Kailangan na ring iakyat ang usapin sa international bodies gaya ng United Nations.
Samantala, nagtataka naman si House Deputy Minority Leader at ACT Teachers’ Party-list Representative France Castro sa aniya’y tila pananahimik ni Pangulong Ferdinand Marcos Junior sa pinakahuling pangyayari sa West Philippine Sea (WPS).
Ayon sa kongresista, hindi pwedeng business as usual sa usapin.
METRO MANILA – Isinasapinal na ang environmental case na isasampa ng Pilipinas laban sa China kaugnay ng pinsala sa West Philippine Sea (WPS) sa loob ng ilang Linggo ayon sa Department of Justice (DOJ).
Ayon kay DOJ Spokesperson Mico Clavano, patuloy naman na nakikipag-ugnayan ang Office of the Solicitor General (OSG) sa pangangalap ng ebidensya para sa mas malakas na demanda.
Pinag-aaralan rin ng OSG ang mga legal na opsyon sa nasirang coral at seabed sa rozul reef at escoda shoal sa wps, kabilang ang paghahain ng reklamo sa international tribunal na nakakasakop dito, gaya ng Permanent Court Arbitration (PCA) sa The Hague.
