Muling nabigyan ng pagkakataon na maging bahagi ng weekly elimination ng “A Song of Praise Music Festival” ang awiting “Bala” ni Reymond Sajor.

Hindi naman nabigo ang ASOP Year 4 Grand Finalist interpreter sa Producer’s Pick episode ng songwriting contest.

Ito ang kauna-unahang entry ni Reymond sa ASOP kaya naman napakasaya niya nang makapasok ito sa monthly finals.

Aminado naman ang interpreter nito na si Jek Manuel na challenging ang pag-awit ng naturang praise song. Mas nagustuhan naman ngayon ng mga hurado ang awit dahil na rin sa mga ginawang adjustment ni Reymond.

Tinalo ng awiting “Bala” ang “Biyaya ka” ni Aldrin Ton ng Caloocan City at “For you alone” na likha naman ni Alex Hernandez mula sa Masbate City.

(Leslie Longboen / UNTV Correspondent)

Tags: Agosto, ASOP, Reymond Sajor