Magbibigay ng libreng cervical cancer screening ang Department of Health para sa mga babaeng may edad 21 taong gulang pataas.
Ito ay bilang pagobserba sa buwan ng Mayo bilang “Cervical Cancer Awareness and Prevention Month,” na may layong magbigay ng mahahalagang impormasyon ukol sa naturang sakit para maaga palang ay ma-detect kung may tendency ang isang babae na magkaroon ng naturang sakit at mabigyan agad ng atensyong medikal.
Batay sa datos ng DOH, 12 Filipina ang namamatay kada araw dahil sa cervical cancer simula 2010.
Nasa anim na libong filipina rin ang diagnosed na may cervical cancer taon taon at kalahati sa mga ito namamatay makalipas ang 5 taon.
Ito rin ang pangalawa sa uri ng cancer na nakakaapekto sa mga kababaihan sa buong mundo.
“Kapag nakikita yung mga puti-puti or dandruff looking sa matres ng babae, it’s an indication that there is a probability that that patient will develop cancer after ten to fifteen years. Ibig sabihin we will be detecting it at an early possible time kung saan pwede pa itong sugpuin,” pahayag ni DOH Secretary Janette Garin
Ayon pa sa DOH, gagawin nila ang screening sa pamamagitan ng visual inspection sa pamamagitan ng acetic acid, o PAP smear.
Maaring magtungo ang mga nais mag-avail ng free screening sa mga DOH retained hospital at sa mga selected tertiary private hospitals sa ibat ibang panig ng Pilipinas.
Samantala, magbibigay rin ng libreng vaccine kontra cervical cancer ang DOH sa Agosto sa mga kabataang nasa edad siyam hanggang 13 taong gulang sa mga public school sa dalawampung mahihirap na lalawigan.(Darlene Basingan/UNTV Radio)
Tags: cervical cancer, cervical cancer screening, Department of Health, DOH
METRO MANILA – Nagpaalala ang Department of Health (DOH) sa publiko kaugnay sa paggamit ng public pools.
Ayon kay Health Secretary Ted Herbosa, maaaring may mga sakit na makukuha dito lalo na ang mga bata kung hindi ito regular na nalilinis o napapalitan ng tubig.
Hinihikayat rin ng DOH ang lahat na ireport sa kanilang tanggapan o lokal na pamahalaan ang mga ganitong sitwasyon.
Kasama rin sa ipina-alala ng DOH ang pag-iingat sa pagkain sa panahon ng tag-init tulad ng halo-halo baka kontaminado ng mikrobyo ang ginamit na yelo dito
METRO MANILA – Nagbigay ng babala ang Department of Health (DOH) sa publiko laban sa mga heat related illnesses ngayong tumitindi ang mainit na panahon.
Ito ay matapos ang naitala ng pagasa mahigit na 41 degrees celsius na temperatura sa iba’t ibang lugar sa bansa.
Maaari itong magdulot sa heat cramps, at heat exhaustion, na may sintomas na pagkapagod, pagkahilo, sakit ng ulo, pagsusuka at pagkahilo ang matagal na pagkabilad sa araw.
Tags: DOH, heat stroke
METRO MANILA – Binigyang diin ni Department of Health (DOH) Secretary Ted Herbosa sa publiko na hindi mandatory ang paggamit ng facemask sa kabila ng pagtaas ng kaso ng Pertussis at tigdas sa bansa.
Pinapayuhan naman niya ang publiko na gumamit ng facemask kung kinakailangan lang lalo kung may kasalukuyang sakit na nararamdaman.
Pinag-iingat na rin ni Secretary Herbosa ang mga may edad na o senior citizens dahil isa sila sa madaling mahawaan ng anomang sakit.
Para makaiwas sa kumakalat na mga sakit payo niya na ugaliing maghugas ng kamay at panatilihin ang kalinisan sa piligid at sa ating katawan.
