Matinding pagbaha sa Sydney, Australia(REUTERS)
Libo- libong residente ang inilikas dahil sa tinatawag na major storm na nagdulot ng matinding pagbaha sa ilang bahagi ng Sydney, Australia.
Ilang kalsada at mga gusali ang nalubog sa baha sa baybayin ng New South Wales.
Ilang lugar din ang nawalanng suplay ng kuryente.
Isinara rin ang ilang runway sa Sydney Airport.
Naglabas na ng evacuation orders ang New South Wales State Emergency Service sa mga residente sa low-lying coastal areas.
Tags: Australia, libo-libong residente, matinding pagbaha, Sydney
MANILA, Philippines – Plano ng pamahalaan ng Pilipinas na ipabalik sa Australia ang pitong 40-foot container na naglalaman ng municipal waste na natagpuan sa Mindanao Container Terminal sa Tagoloan, Misamis Oriental noong Mayo 7.
Tinawag ng consignee na “Processed Engineered Fuel” (PEF) ang mga kargamento na gagamitin umano sa paggawa ng semento pero hindi ito sinangayunan ng mga otoridad.
Ayon sa kalihim, dapat ay pormal na lamang na nag- import ng ingredients ang cement makers. Samantala nito lamang Mayo ay ipinadala pabalik sa Canada ang 69 containers ng basura.
(Nel Maribojoc | UNTV News)
Tags: Australia, basura sa Pilipinas
PERTH, AUSTRALIA – Sa ikalawang pagkakataon, nagkaisa ang Members Church of God International (MCGI), Perth chapter na dalawin at magbigay ng aliw sa mga matatandang kinukupkop sa Aegis Care Hilton Park sa Western Australia.
Ito ay bilang pakikiisa sa adbokasiya ni Mr. Public Service, Kuya Daniel Razon na makagawa ng mabuti sa kapwa kahit sa isang araw lang.
Isang musical entertainment program ang inihanda ng MCGI volunteers para sa kanila. Tuwang-tuwa ang mga matanda, gayundin ang kanilang mga bisita.
Hindi napigilan ng ilan na sumabay sa kantahan at sayawan. Naaliw naman ang mga matatanda sa Elder Care Facility sa programang inihanda para sa kanila ng MCGI.
Isang Filipina ang clinical manager sa naturang Elder Care Facility na si Guia.
Ayon kay Guia, kakaiba ang kasiyahang idinulot ng pagdalaw ng MCGI sa mga matatanda na kanilang kinukupkop.
( Aileen Sillano / UNTV Correspondent )
Tags: Australia, Elder Care Facility, MCGI
Ipinag-utos na ng pamahalaan ng Australia sa mga car manufacturer at dealers ang pagsasauli ng mga sasakyang natuklasang mayroong defective na airbags.
Ayon sa pamahalaan, aabot sa apat na milyong mga kotse na may iba’t-ibang brand kabilang na ang Subaru, Ford, Toyota, Mitsubishi, Nissan at BMW sa na-installan ng Takata air bags.
Naging sanhi na umano ng ilang road accidents sa iba’t-ibang lugar ang exploding airbags kabilang na sa Australia kung saan isa ang naitalang nasawi.
Base sa international reports, umabot sa 23 deaths at mahigit sa 230 injuries sa buong mundo na dahilan nga nitong Takata airbags na naging sanhi ng shrapnel spray kung magkakaroon ng car crash.
Ang faulty airbags na may explosive contents ay mas mabilis mag deteriorate and maging unstable sa mga lugar na may humid climates.
At dahil dito, prayoridad sa pagpapalit ng mga airbag ang mas lumang sasakyan, lugar kung saan ito ginagamit at kung saan banda sa mismong sasakyan naka-install ang airbag.
Ayon sa datos ng Australian Competition And Consumer Commission o ACCC, 1.7 million cars na sa kabuuan ng Australia ang napalitan na ng airbags.
1.3 million ang kasalukuyang naghihintay ng schedule at may 800,000 hanggang isang milyong European cars ang madadagdag sa listahan sa mga darating pang mga araw.
Ito ang kauna-unahang massive recall sa kasaysayang ng Australian automotive industry.
Hindi pa naman malinaw kung sino ang mananagot kapag mayroong mga sasakyang hindi napalitan ng airbags.
Tags: Australia, depektibong airbags, kotse
