Kahit hindi pa tuluyang natatapos ang bakbakan, nagpasya si Pangulong Rodrigo Duterte na ideklarang malaya na mula sa mga terorista ang Marawi City. Kasunod ito ng pagkakapatay ng mga sundalo kina Isnilon Hapilon at Omar Maute.
Ngunit para kay peace and security expert na si Prof. Rommel Banloi, masyado pang maaga para sabihing terror free na ang lungsod.
Isang katunayan aniya nito ay hindi pa makabalik ang maraming residente sa kanilang mga tahanan at wala pa ring pagbabago sa kanilang sitwasyon.
Posible rin aniyang napilitan lamang si Pangulong Duterte na ideklara ang liberation ng Marawi City dahil sa ilang beses na pumalya ang ibinigay na deadline ng militar.
Iginagalang naman ng Malakanyang ang pahayag ni Banlaoi. Subalit sinabi nitong strategic message ang ginawang deklarasyon ng liberation ng marawi ni Pangulong Duterte.
Positibo rin ang pananaw ng pamahalaang magtutuloy-tuloy ang recovery ng naturang siyudad.
( Rosalie Coz / UNTV Correspondent )
Tags: liberation, Marawi, terorista
Nahuli ang 2 kasapi ng Communist Party of the Philippines -New Peoples Army (CPP-NPA) na parehong mga iskolar ng Mindanao Interfaith Services Foundation Incorporated (MISFI) at part-time teachers din ng HARAN, matapos ang isang sagupaan sa pagitan ng militar at mga terorista sa Davao City.
Nangyari ang bakbakan noong Nobyembre 14, 2020 sa Sitio Quibilog, Brgy Mapula, Paquibato District, Davao City alas-10 ng umaga.
Kinilala ang mga nahuli na sina Nasria Bansil alias ASH, babae, 22 taong gulang, isang Squad Medic at si Geliejorain Ngojo alias MAYO, lalake, 21 taong gulang na isa namang Supply Officer ng grupo.
Ibinunyag ng 2 na nakakaranas ng malubhang krisis ang kanilang grupo dahil sa walang humpay na operasyon ng militar sa pagtugis sa kanila.
Ayon pa kay alias MAYO, naranasan niyang mahimatay dahil sa hirap at gutom habang tumatakas sa mga tropa ng gobyerno, at 3 na din sa mga kasamahan nila ang nasugatan.
(Raymund David | La Verdad Correspondent)
Patay sa isinagawang surveillance operation ng PNP at AFP ang isang notorious sub leader ng Dawlah Islamiya terrorist group sa Barangay Saliao, Esperanza, Sultan Kudarat kahapon ng hapon (Nov. 4).
Kinilala ito na si Jazzer Nilong na sangkot sa pamboboma sa General Santos City at pagpatay kay police Cpt. Herman Gabat.
Ayon sa WestMinCom, agad nagpaputok ang bandido nang maramdaman nito ang presensya ng mga otoridad.
Tumagal ng 2 minuto ang bakbakan na nagresulta sa pagkamatay nito.
Nakuha sa lugar ang isang kalibre 45 na baril, 2 bomba at 2 sachet ng hinihinalang shabu.
Agad namang dinisarmahan ng exposive ordnance disposal team ang nasabing mga bomba.
(Mj Fiel | La Verdad Correspondent)
Tags: terorista
Mula sa dating tatlong araw na pagakakaditene sa isang pinanghihinalaang terrorista, nais ng mga security forces ng bansa na paliwigin ito sa tatlumpung araw.
Sa ilalim ng Human Security Act, hindi dapat na humigit sa tatlong araw ang pagkakakulong ng isang naarestong suspected terrorist maliban na lamang kung mayroong written approval mula sa korte o sa Human Rights Commission.
Sa pagdinig ng Senate Committee on National Defense and Public Safety hinggil sa panukalang anti-terrorism bill.
Iminungkahi ni AFP Chief of Staff General Carlito Galvez Jr. na dapat na gawing 30 araw ang pagkakaditene sa mga suspected terrorist kahit wala pang naisasampang kaso upang magkaroon ng sapat na panahon ang mga otoridad na maibestigahan ang mga ito.
Dagdag pa ni Galvez, isang paraan rin ito upang mapigilan ang posibleng kasunod na mga tangkang pagatake na kadalasang ginagawa ng mga teroristang grupo.
Sang-ayon rin sa panukalang ito si Department of Interior and Local Government officer-in-charge Eduardo Año, na dating ring nagsilbing hepe ng AFP.
Naniniwala si Año na sapat ang 30 araw upang makalap ng militar ang lahat ng mahahalagang impormasyon laban sa isang pinanghihinalaang terorista.
Ayon naman kay Senator Panfilo Lacson, kinakailangan munang baguhin ang depenisyon ng salitang terorista sa ilalim ng Human Security Act, dahil para sa mambabatas hindi naman pinipilit ng isang terorista ang pamahalaan na gawin ang isang bagay na nais nilang mangyari o makuha.
Bukod sa pagpapalawig sa pagkakaditene ng mga suspected terrorist, hiniling rin ng AFP sa Senado na gawing 90 araw ang surveillance sa mga ito mula sa dating tatlumpung araw.
Layon ng anti-terrorism bill na maamyendahan ang umiiral na Human Security Act, upang gawing mas makapangyarihan ang batas ng bansa laban sa terorismo.
Ayon pa kay Senator Lacson, isa ang Pilipinas sa mga bansa sa buong mundo na may pinakamahinang anti-terrorism laws.
( Joan Nano / UNTV Correspondent )
