Mahirap makahanap ng housemates na iyong makakasundo, minsan, maaari pa itong mauwi sa away o hindi pagkaka-intindihan.

Kaya naman, itong isang landlady sa Finsbury Park, London ay gumawa ng house rules na dapat mong sundin kung gusto mong tumira sa kaniyang bahay.

Bago mo pa mabasa ang listahan ng kaniyang rules ay nagbigay na agad ito ng babala na nagsasabing, ang bahay raw niya ay “not a sociable house”, hindi ka maaring magbabad sa telepeno at bawal magtagal sa banyo.

At kung ikaw ay interesado, narito ang ilan sa kaniyang house rules na dapat mong sundin:

Hindi ka pwedeng manatili sa bahay ng weekdays mula 9:00 am hanggang 5:00 pm dahil sa ayaw ng may-ari ang maingay at ang kaniyang trabaho ay home-based.

Ang pagluluto ay ipinag-babawal bago mag alas-8:30 ng umaga. Sinabi rin niya na kung ikaw ay 15 beses na gagamit ng banyo araw-araw ay hindi ka pwedeng lumipat sa bahay niya. Ganoon din daw para sa mga mahigit isang oras na naliligo sa banyo.

Kailangan din ay maroon kang mga kaibigan na may iba pang ginagawa sa buhay at ini-enjoy ito upang kung sila ay bumisita sa iyo ay hindi sila magtatagal sa loob ng bahay.

Tags: house rules, land lady, London