Dalawang linggong isinailalim sa surveillance ng QCPD Station 7 Drug Enforcement Unit ang isang lalaking tulak umano ng droga sa Cubao, Camarilla 1st St., Quezon City.

Ito ay matapos nilang matanggap ang sumbong mula sa baranggay at mga residente sa lugar sa pagtutulak ng droga ni Ronualdo de Vera, 28 anyos.

Arestado ang suspek matapos magpositibo sa buy bust operation na ikinasa ng mga pulis.

Sa inisyal na imbestigasyon, sumuko na pala sa tokhang noong nakaraang taon ang suspek pero hindi ito huminto sa iligal na Gawain.

Pero ang suspek, may kakaibang istilo dahil imbis na shabu ay wala daw kaalam alam ang mga bumibili sa kanya na tawas pala ang ibinibigay niya.

Isasailalim naman sa test ang mga ebidensyang nakuha sa suspek kung shabu nga ba ito o tawas.

( Bernard Dadis / UNTV Correspondent )

Tags: buy bust, droga, Quezon City