Nirespondehan ng UNTV News and Rescue Team ang aksidente sa bahagi ng Mc Arthur Highway sa Barangay San Juan sa Balagtas, Bulacan noong biyernes ng gabi.

Nadatnan ng grupo ang biktimang si Marcelino Salamanca, singkwenta’y tres-anyos, habang iniinda ang tinamong mga sugat at pamamaga sa kanang braso at posibleng balit sa binti at sakong.

Ayon sa imbestigador na si PO3 Jayjay Quilang, mabilis ang takbo ng motorsiklo at nawalan ng kontrol ang driver nang makasalubong ang kotse.

Nilapatan ng Rescue Team ng paunang lunas ang mga sugat ng biktima at pagkatapos ay inihatid na siya sa ospital.

“Nagpapasalamat po ako sa ginawa nyo dahil natulungan nyo po yung asawa ko, hindi nyu pinabayaan nandito kami sa hospital tinutulungan nyo pati sa pag-aasikaso sa doctor, sana marami pa kayung matulungan sa mga nangangailangan sa kalsada.”pahayag ni aling Anna Rosa Salamanca asawa ng biktima.( Nestor Torres / UNTV News)

Tags: Mc Arthur Highway, PO3 Jayjay Quilang, UNTV News and Rescue Team