Nanginginig at halos walang malay ang lalaking ito matapos mahulog sa Leonard Wood Bridge sa Teachers Camp, Baguio City pasado ala-una ng madaling araw kanina.
Kinilala ang biktima na si Ceasar Sta. Ana Pacloy, 23-anyos at residente ng Purok 2 Gibraltar, Baguio City.
Ayon sa rumespondeng mga pulis, tinatayang nasa 30 feet ang taas ng tulay na kinahulugan ng biktima.
Ayon naman sa isang nakasaksi sa pangyayari, bago nahulog sa tulay ang lalaki ay may ininom ito.
Nagtamo ang biktima ng mga sugat sa mukha, pagdurugo ng ilong at posibleng nasal bridge deformation.
Namaga rin ang kanang paa nito at may posible pang bali sa kanang tuhod.
Nilapatan ng UNTV Rescue ng paunang lunas ang mga sugat ng biktima at binigyan rin siya ng cervical immobilization at oxygen assistance.
Pagkatapos ay dinala na siya sa ospital ng rumesponde ring Baguio City Emergency Medical Service.
(Grace Doctolero / UNTV Correspondent)
Tags: isang flyover bridge sa Baguio City, Lalaking nahulog, UNTV News and Rescue Team
BUTUAN, Philippines – Nakahandusay sa kalsada ang isang lalaking motorcycle rider nang datnan ng UNTV News and Rescue team sa South Montilla Boulevard, Butuan City, noong Biyernes ng gabi.
Kinilala ang rider na si Jason Fermano na taga Amayahan, Agusan del Norte.
Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.
Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.
Nagulat nalang ang mga tao sa lugar nang salpukin nito ang center island.
Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.
Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.
(Raymond Octobre | UNTV News)
Tags: aksidente, motorcycle accident, rescue, UNTV News and Rescue Team
Masuwerteng gasgas lang ang tinamo ng mga magkakabarkada matapos maaksidente ang sinasakyan nilang motorsiklo sa Ayala Highway, Barangay Balintawak sa Lipa, Batangas kagabi.
Ayon sa mga biktima, galing silang Batangas City at patungo sana ng Malvar nang biglang lumabas sa isang kanto ng Ayala Highway ang isa pang motorsiklo na tinamaan nila sa likurang bahagi dahilan upang mawalan sila ng kontrol sa manibela.
Agad namang nilapatan ng UNTV News and Rescue Team ang mga gasgas sa tuhod at binti ng mga biktima na sina Romel de Asis, Juan Carlo Maldorado at Tristan Samonte na tumanggi nang magpadala sa ospital.
Samantala, nagkasundo naman ang dalawang panig na magkaayos na lang at hindi na magreklamo sa pulisya.
Isang tawag mula sa City Disaster Risk Reduction and Management Office ang natanggap ng UNTV News and Rescue Team pasado alas nuwebe kagabi.
Ito’y matapos bumangga sa nakaparadang multicab sa Bonbon Road ang minamanehong motor ni Bryan Pontemar. Nagtamo ang biktima ng matinding pagdurugo sa ulo at posibleng bali sa kanang binti.
Ayon sa ilang saksi, walang suot na helmet si Pontemar habang nagmamaneho at mabilis ang pagpapatakbo nito ng motorsiklo bago mangyari ang aksidente.
Agad nilapatan ng first aid ng UNTV News and Rescue ang biktima. Pagkatapos ay dinala ito ng grupo sa Butuan Medical Center upang masuri ng doktor.
( Raymond Octobre / UNTV Correspondent )
Tags: Butuan City, motorcycle accident, UNTV News and Rescue Team
