Nirespondehan ng UNTV News and Rescue Team ang aksidente sa bahagi ng Barangay Muzon sa Taytay, Rizal pasado alas-diyes kagabi.

Isang lalaking may kapansanan na kinilalang si Gerry Sabagkit, 42-anyos ang nagtamo ng sugat sa kaliwang tuhod.

Kwento ng biktima, pauwi na siya sa kanilang bahay nang mabundol ng motorsiklong minamaneho ni Lemuel Heroquiah.

Nagtangka pa umanong tumakas ang driver ng motorsiklo matapos ang insidente ngunit nahabol naman ito ng mga bystander na nakakita sa pangyayari.

Nilapatan ng paunang lunas ng UNTV Rescue ang sugat ni Sabagkit at pagkatapos ay inihatid sa Angono Medical Center ng rumesponde ring unit ng Taytay Rescue. ( Garry Perez / UNTV News )

Tags: Angono Medical Center, Taytay Rescue, UNTV News and Rescue Team