Isang lalaking biktima umano ng pambubugbog ang tinulungan ng UNTV News and Rescue Tam sa La Trinidad, Benguet kaninang madaling-araw.
Nadatnan ng grupo ang lalaki habang sinisikap na magpa-blotter sa Benguet Police Office bagamat may iniindang sugat sa kaliwang kamay at ulo.
Kinilala ang biktima na si Juanito Alano, trenta’y tres anyos at taga-Cabanatuan sa Nueva ecija.
Habang nilalapatan ng paunang lunas, sinabi ni Alano na nakuha niya ang kanyang mga sugat matapos siyang pagsusuntukin ng kanyang kabarkada habang nag-iinuman sa isang bar sa kilometer 3 La Trinidad.
Matapos bigyan ng first aid, dinala ng grupo sa La Trinidad General Hospital si Alano.
Tags: news and rescue
The Philippine Broadcast Hub
UNTV, 915 Barangay Philam, EDSA, Quezon City M.M. 1104
Radyo La Verdad © All Rights Reserved 2019
+632 8 442 6254 | Monday – Friday, 8AM – 5PM | info@radyolaverdad.com