Tinambangan ng mga armadong suspek ang isang lalaki sa brgy. Bagong Pag-asa, Quezon City, mag-aalas sais kagabi.

Dead on the spot ang biktimang si Joven Poblete alyas Bayot, 41 taong gulang isang tricycle driver, matapos itong magtamo ng mga tama ng bala sa ulo’t katawan ayon sa QCPD-SOCO.

Hindi matanggap ng asawa ng biktima ang sinapit nito. Kwento ni Babilyn, nagpaalam kahapon ang kaniyang asawa na may pupuntahan lang bago mangyari ang insidente.

Alam din umano nya kung sino ang may kagagawan ng krimen dahil makailang ulit na nitong  nabanggit sa kanya ng kanyang asawa.

Aminado naman si Babilyn na gumagamit pa rin ng droga ang kaniyang asawa subalit isang taon na umanong huminto ito sa pagbebenta ng ipinagbabawal na gamot.

Iniimbestigahan na ng mga otoridad kung may kinalaman nga ba sa droga ang motibo ng pamamaslang.

( Macky Libradilla / UNTV Correspondent )

Tags: patay sa pamamaril, QCPD SOCO, Quezon City