Patay ang isang 28-anyos na lalaki matapos pagbabarilin ng hindi pa nakikilalang salarin sa 16 street, Barangay 651, fort area sa Maynila pasado alas dos ng madaling araw.
Kinilala ang biktimang si Denden Mangacoy, at isang security guard at residente sa nasabing lugar.
Ayon sa ilang nakasaksi sa pamamaril nakita pa nila na tumatakbo ang biktima na tila may humahabol.
Naka-recover sa crime scene ng apat na basyo ng kalibre 45 baril.
Sinabi naman ng asawa ng biktima na wala siyang nalalamang kaaway o nakagalit ng napatay.
Nagtamo ng tama si Mangakoy sa tagiliran, dibdib at ulo.
Iniiimbestigahan na ng Manila Police District (MPD) kung ano ang motibo sa krimen.(Reynante Ponte/UNTV Radio Correspondent)
