Patay ang isang lalaki matapos pagbabarilin ng hindi pa nakikilalang suspek sa bayan ng Bataraza, Southern Palawan.
Sa inisyal na imbestigasyon ng pulisya, ang biktima na si Islani Hadge Abdulkarin ay binaril sa loob ng kanilang bahay sa Sitio Buwal-Buwal.
Bagamat hindi pa tiyak kung ano ang motibo at sino ang nasa likod ng pamamaslang, tinututukan ito ng pulisya lalo’t kabilang ang bataraza sa watch-list areas ng PNP dahil sa mataas na kaso ng krimen lalo na tuwing panahon ng halalan.
(Andy Pagayona / UNTV Correspondent)
METRO MANILA – Nakita sa karagatan 12 kilometro ang layo mula sa Coron, Palawan ang nabuong oil slick.
Ayon sa University of the Philippines-Marine Science Institute o UP-MSI, base ito sa kuha ng satellite ng National Oceanic and Atmospheric Administration noong April 2.
May haba anila ang sinasabing oil spil ng 19 na kilometro at lawak na 3 kilometro.
Sa ngayon hindi pa masabi kung ang lumulutang na langis ay mula sa Oriental Mindoro o mula sa iba.
Samantala dinala na kahapon (April 3) ng Shin Nichi Maru ng Japan sa ground zero ang mga bag para subukang takpan ang iba pang tumatagas sa lumubog na MT Princess Empress.
Mula sa 23 leak na unang nakita sa assessment report ng mga crew ng Shin Nichi Maru 11 nalang ito ngayon.
Pero ang 2 sa 11 leak matagupay na natakpan na, gamit ang specialized bag mula United Kingdom.
PALAWAN – Nakumpiska ng mga otoridad ang nasa 150 toneladang fossilized giant clams shells o “Taklobo” sa King’s Paradise Island Resort, Barangay Panitian, Sofronio Espaniola, Palawan noong June 28, 2021.
Tinatayang aabot sa P250-Million ang halaga ng mga nakumpiskang kabibe.
Nahuli ang isa sa mga suspek na si Eulogio Josos Togonon at kasalukuyang pinaghahanap ang mga kasamahan nito na kinilalang sina Totong Josos, Nonoy Guliman, at Vilmor Pajardo na pawang residente ng Barangay Iraray, Sofronio Espaniola, Palawan.
Mahaharap ang mga suspek sa kasong paglabag sa Section 27 ng Republic Act 9147 o “Wildlife Resources Conservation and Protection Act” .
(Kyle Nowel Ballad I La Verdad Correspondent)
Aabot sa P57-M halaga ng taklobo ang nakumpiska ng Philippine Coast Guard, Naval Forces Western Security Group, Intelligence Operation 2nd Special Operations Unit – Maritime Group at Bantay Dagat Palawan Task Force at Philippine Task Force sa isinagawang counter action operations sa Narra, Palawan nitong Martes, Abril 13, 2021.
Nakuha ang mga kabibe sa isang tent na pagmamay-ari ni Jonjie Moreño at nagsisilbing tagapamahala nito sa Purok Bonbon, Barangay Panacan.
Ayon kay Moreño, ang 16,467 piraso ng Giant Clam na nakuha ay nakapangalan kay Rolando Eleazar.
Samantala, nasa pamamahala na ngayon ng Palawab Council for Sustainable Development ang mga nakumpiskang taklobo habang patuloy naman na isinasailalim sa imbestigasyon si Eleazar dahil sa paglabag sa Wildlife Resources Conservation and Protection Act.
Isa ang mga Taklobo sa itinuturing na “Endangered Species” dahil isa ito sa ginagamit sa paggawa ng mga mamahaling alahas at ornamental shell trade.
(Fe Gayapa | La Verdad Correspondent)
