Sa eskinita ng Narra corner JP Laurel street na binawian ng buhay ang isang lalaki matapos barilin ng hindi pa matukoy na suspek pasado ala una kaninang madaling araw sa Don Bosco Tondo Manila.
Nagtamo ng isang tama ng bala sa ulo ang biktima na kinilalang si RJ Bidot, 20 anyos.
Sa inisyal na imbestigasyon ng mga pulis, posibleng binaril ng nakatalikod si Bidot kaya hindi na ito nakapanglaban pa.
Hinala ng mga pulis, kakilala ni Bidot ang taong pumatay sa kanya bagaman dipa tukoy kung ano ang motibo sa krimen.
Sa ngayon hawak na ng mga otoridad ang kopya ng cctv upang magamit sa pagtukoy sa suspek sa pamamaslang.(Benedict Galazan/UNTV Correspondent)
Mananatili pa ring bukas ang lahat ng mga pampublikong transportasyon sa NCR plus habang nasa ilalim ito ng ECQ simula ngayong araw hanggang sa linggo. Ngunit lilimitahan ang kapasidad ng public transport upang mabawasan ang paggalaw ng mga tao.
Ang pinahihintulutan lang makabyahe papasok at sa loob ng NCR plus ay ang mga Authorized Persons Outside of their Residence (APOR ) at may mga essential o mahalagang dahilan ng pagbyahe.
Para sa mga papauwi ng bansa, limitado pa rin hanggang 1,500 na pasahero kada araw ang international inbound passenger capacity sa NAIA.
Habang papayagan pa rin ang operasyon ng domestic commercial flights ngunit batay ito sa mga restriction na ipinatutupad ng mga LGU sa labas ng greater Manila.
Binabaan naman sa fifty percent ang kapasidad sa mga pampublikong transportasyong pangdagat gaya ng mga passenger vessel.
Mas nilimitahan din sa 20 hanggang 30 percent ang passenger capacity ng lahat ng mga rail line kabilang na ang LRT-1 at 2, MRT line 3 at Philippine National Railways.
Balik din sa 50 percent ang kapasidad ng mga public utility vehicle kabilang na ang mga pampublikong bus, jeep, UV express at shuttle service.
Mahigpit na ipinatutupad ang one-seat apart rule kahit pa may plastic barrier sa loob ng sasakyan.
Papayagan din ang operasyon ng mga provincial bus ngunit dapat ay point-to-point ang byahe.
Ang TNVS at taxi ay dapat may dalawang pasahero lang kada hilera habang isang pasahero lang sa tabi ng driver.
Isang pasahero na lang ulit ang papayagan sa mga tricycle at hindi papayagan ang sinomang nakaupo sa tabi o likod ng driver.
Pati ang mga motorcycle taxi o pribadong motorcycle rider na may sakay na APOR ay pahihintulutang bumyahe gamit ang barrier sa pagitan ng driver at pasahero.
Sa kabila nito, hinihikayat naman ang publiko sa paggamit ng bisikleta at iba pang personal mobility device sa pagbyahe lalo na kung malapit lang ang destinasyon.
Asher Cadapan, Jr. | UNTV News
Tags: Cavite, ECQ, Ehanced Community Quarantine, Laguna, manila, Metro Manila, Rizal
Ilalagay sa code white alert ang labing anim na pampublikong
ospital Metro Manila sa Huwebes kaugnay ng magaganap na traslacion.
Ito ay upang matiyak na handa ang naturang mga pagamutan sakaling may
mangyaring emergency situation sa taunang prusisyon.
Labingapat na health response teams din ang idedeploy ng Department of Health
sa mga strategic location sa ruta ng traslacion.
Payo naman ng DOH sa mga sasama sa prusisyon magsuot ng kumportableng damit,
magdala ng panangga sa init o ulan, magbaon ng pagkain at tubig upang maiwasan
ang dehydration.
Payo naman ng mga otoridad iwasan din ang pagsusuot ng alahas at pagdadala ng
mamahaling gadget.
Tags: manila, Traslacion
MANILA, Philippines – Ikinatutuwa umano ng Overseas Filipino Workers (OFWs) ang pamamalakad sa bagong Maynila kaya naman patuloy ang kanilang donasyon sa lungsod ayon kay Mayor Isko Moreno Domagoso.
“Ipinag papasalamat ko sa mga OFW nagbibigay 100 dollars 200 dollars 300 dollars” ani Manila Mayor Isko Moreno.
Ayon sa alkalde, kanila munang lilikumin ang mga donasyon habang inaalam pa kung saan ito gagamitin.
Paalala ni Domagoso, huwag sa kanya ipangalan ang kanilang mga donasyong pera o cheke bagkus ay sa pamahalaang lungsod ng Maynila.
“Gagamitin po namin ng tapat, maayos at kapakipakinabang sa ating mamamayan sa lungsod ng Maynila” ani Manila Mayor Isko Moreno.
Samantala, ilang kumpanya and ahensya ng gobyerno na rin ang nag-donate ng mga kagamitan sa pamahalaang lungsod ng Maynila.
(Harlene Delgado | UNTV News)
