Pinagbigyan ng Supreme Court ang hiling ni Sandiganbayan Presiding Justice Amparo Cabotaje-Tang na dalhin sa Sandiganbayan si Janet Lim Napoles upang dumalo sa bail hearings nito.

Ayon sa Korte Suprema, katanggap-tanggap ang dahilan ni Tang na impraktikal kung sila ang magtutungo sa Correctional Institute for Women (CIW) bitbit ang bulto ng mga dokumento ng kaso upang doon isagawa ang mga pagdinig.

Bukod pa rito ang isyu sa kanilang seguridad.

Inilipat sa C-I-W si Napoles upang simulan ang pagsisilbi ng kanyang sentensiyang reclusion perpetua matapos mahatulang guilty sa kasong serious illegal detention dahil sa pagkulong kay Benhur Luy sa kanyang condominium. (Rosalie Coz/UNTV Correspondent)