Manila, Philippines – Nakuwestiyon ng ilang mambabatas sa pagdinig sa senado kahapon ang kawalan ng parusa sa mga power producer na nagkaroon ng hindi inaasahang maintenance shutdown na siyang dahilan kaya numinipis ang supply ng kuryente partikular na sa Luzon.
Kahapon nagsagawa ng imbestigasyon sa senado kaugnay ng pagnipis sa supply ng kuryente sa Luzon grid dahil sa mga unplanned maintenance shutdown ng ilang power plant.
Binusisi ng Committee on Energy ng 2 kapulungan ng Kongreso ang Energy Regulatory Board at Department of Energy (DOE) ang mga hakbang nito upang matugunan ang problema sa kakulungan ng supply ng kuryente tuwing sumasapit ang taginit.
Ipinagtataka ng mga mambabatas kung bakit halos sabay-sabay nagkakaroon ng mga hindi ina-asahang maintenance shutdown o unscheduled outages ang mga power plant.
Dito na nakwestiyon kung bakit walang malinaw na polisiya tungkol sa pagpapataw ng parusa ukol dito. Bagay na sinagot naman ng DOE.
“We want to see a policy that will penalize the power producers, because its their job to make sure that their commitment is always a commitment” pahayag ni Senate Committee on Energy Chairman Senator Sherwin Gatchalian.
“As of now, none mr chair,again depending on their contractual arrangement with their offtakers” ani Department of Energy Assistant Secretary Redentor Delola.
Giit ng consumer group na Laban Konsyumer, dapat gayahin ng ERC ang ginawa ng mwss na pinatawan ng multa ang manila water dahil sa water crisis.
“They can do what mwss did sa tubig,meron namang mandate to impose penalty” tinig ni Laban Konsyumer President Attorney Victor Dimagiba
Sa ngayon ayon sa DOE, pinag-aaralan na nila ang ilang polisiya tulad ng interruptible load program upang maiwasan na ang mga ganitong mga problema na krisis sa kuryente dulot ng sabay-sabay na maintenance shutdown ng mga power plant.
(Nel Maribojoc | UNTV News)
Tags: Department of Energy, Laban Konsyumer, power interruption
METRO MANILA – Nagbabala ang National Grid Corporation of the Philippines (NGCP) ng posibleng power interruptions ngayong tag-init.
Kasunod ito ng hindi pag-apruba ng Energy Regulatory Commission (ERC) sa kanilang request na monthly extensions sa ancillary services agreements.
Ito ay mga reserbang power supply na kapag hindi naaprubahan ay maaaring magdulot ng brownout.
Bunsod ng ERC denial sa kasunduan, ay maaaring magkaroon ng mga power interruption.
Sumulat na ang NGCP sa Department of Energy (DOE) para hilingin na makialam na sa isyu.
Tags: DOE, NGCP, power interruption
Pinulong ni Pangulong Ferdinand Marcos Jr., ang mga opisyal ng Department of Energy at iba pang energy-related agencies sa kanyang administrasyon upang ilatag ang mga plano ng administrasyon para tiyakin ang sapat na suplay ng enerhiya sa buong bansa.
Ayon sa Office of the Press Secretary, tinalakay din sa pulong ang mga prayoridad na immediate and medium-term plans.
Kasama na dito ang Philippine Energy Development Plan bilang suporta sa adhikain ng pamahalaan na makatuklas ng mga alternatibong pagkukunan ng enerhiya at maka-adapt sa climate change.
Tags: Department of Energy, Pang. Marcos, PBBM
Matapos ang makasunod na linggong dagdag-singil sa presyo ng mga produktong petrolyo, nagpatupad naman ang mga oil company ng rollback.
Paliwanag ni Rodela Romero, Assistant Director ng DOE-Oil Industry Management Bureau, bumaba ang presyo ng langis dahil pagbaba rin ng demand o pangangailangan ng iba’t ibang bansa.
“Nagkaroon pa rin ng intermittent lockdown ang bansang China. Eh alam naman natin na malaking consumer na bansa ng petroleum products ang China. So, dahil bumaba ang demand nila, but at the same time, yun pa ring mga increases sa interest rate na ipinatupad ng America,” ani Rodela Romero, Assistant Director of the DOE-Oil Industry Management Bureau.
Hindi pa matiyak ng DOE kung magtutuloy-tuloy ang rollback sa mga susunod na araw. Ngunit sa forecast o pagtaya ng S&P Global Commodity Insights na bababa ang presyo ng langis sa huling quarter ng taon.
Sa kabila nito, tuloy ang mga transport group sa pagsusulong ng kanilang mga petisyon para sa dagdag pasahe.
Ayon kay LTFRB Chairperson Cheloy Garafil, halos lahat ng mga public utility vehicle ay nagsumite ng petisyon.
“Mayroon tayong seven na pending cases for fare hikes in LTFRB. This is from the different denominations ng ating PUVs. Mayroon tayong fare rate hike petitions from the TNVS, from the taxi operators, from the buses, from the jeepneys , mayroon din P2P. So, halos lahat mayroon na—may UV express din. So, halos lahat mayroon nang fare hike petition. Although, many of them at different stages of hearing,” ayon kay Cheloy Garafil, Chairperson, LTFRB.
Inaasahan na maglalabas na rin ng desisyon ang LTFRB kaugnay sa petisyon na dagdag pasahe sa mga jeep ngayong linggo.
(Asher Cadapan, Jr. | UNTV News)
Tags: Department of Energy, DOE-Oil Industry Management Bureau
