Nitong nakaraang Lunes, ipinahayag ni Indonesian President Joko Widodo na binigyan siya ng “go signal” ni Pangulong Rodrigo Duterte upang ituloy ang execution kay Mary Jane Veloso.

Matapos ang ASEAN Summit sa Laos, agad na nagtungo sa Indonesia si Pangulong Duterte para sa kanyang working visit.

Ngunit nilinaw naman ito ni Pangulong Duterte.

Ayon sa pangulo, hindi niya binanggit sa kanilang usapan ang kaso ni Veloso.

Si Veloso ay hinatulang guilty sa kasong drug trafficking at nahaharap sa parusang kamatayan sa pamamagitan ng firing squad.

Ngunit nabigyan ng last-minute reprieve habang dinidinig pa sa Pilipinas ang kaso laban sa mga sumukong illegal recruiters nito.

Tags: hindi binanggit sa pulong kay Pres. Widodo, Kaso ni Veloso, Pangulong Duterte