Pinal na ang desisyon ng Supreme Court na nag-aapruba sa kasong katiwalian na isinampa ng Ombudsman kay dating Sen. Jinggoy Estrada kaugnay ng Pork Barrel Scam.
Ito’y makaraang ibasura ng korte ang motion for reconsideration ni Estrada sa kanilang desisyon noong Enero.
Una nang sinabi ng SC na walang grave abuse of discretion sa panig ng Sandiganbayan nang tanggihan nito ang hiling ni Estrada na huwag tanggapin ang disbursement reports at ang testimonya ni Benhur Luy.
Bukod sa kasong graft, nahaharap din si Estrada sa kasong plunder dahil sa pagbulsa umano ng pera mula sa kanyang PDAF.
