Planong bigyan ng Consultative Committee ng mas malawak na kapangyarihan ang taumbayan na magbago o magtanggal ng batas o resolusyon at probisyon ng konstitusyon.
Sa kasalukuyan, kinakailangan ng pirma ng 12 porsyento ng kabuuang bilang ng mga rehistradong botante sa buong bansa para maamyendahan ang Saligang Batas, 10 porsyento para makapagbago ng isang batas at 12 porsyento naman para makapagpanukala ng ordinasa sa pamamagitan ng people’s initiative o kagustuhan ng taumbayan.
Matapos makakalap ng pirma ay isusumite ito sa Commission on Elections (Comelec) upang beripikahin.
Sa panukalang pagbabago ng Consultative Committee, mas dadali ang requirement dahil 10 porsyento na lang ng mga nasa federated regions ang kinakailangan para rebisahin ang konstitusyon, 3 porsyento para amyendahan ito at para isulong o tanggalin ang isang batas.
Ayon sa Vice Chairman ng subcommittee on the structure of federal government na si Atty. Roan Libarios, pwede na ring humingi ng legal advice ang taumbayan sa Solicitor General o sa miyembro ng Integrated Bar of the Philippines upang balangkasin ang kanilang panukala.
Ang ilang nakausap ng news team, may gusto nang baguhing mga batas ngayon pa lang.
Bagaman may mas malawak na kapangyarihan ang taumbayan, may pangamba rin na abusuhin ito.
( Mai Bermudez / UNTV Correspondent )
Tags: batas, Con-Com, Saligang Batas
MANILA, Philippines – Inihain na rin ng mga senador ang kanilang mga proirity bills, kasabay ng pagpasok ng 18th congress.
Kabilang sa mga isinumiteng panukalang batas ang may kaugnayan sa pagsasagawa ng hybrid elections, dagdag sahod para sa mga guro, 14th month pay para sa mga manggagawa sa pribadong sektor at pagtatatag ng mga karagdagang departamento sa pamahalaan.
Sa unang araw ng mga bagong senador, simula na rin ng paghahain ng mga panukalang batas para sa 18th congress.
Tig-sa-sampung panukala ang inihain ng mga mambabatas.
Si Senate President Vicente Sotto III ang unang naghain ng kaniyang priority bills. Kabilang sa kaniyang inihain ay ang pagtatatag ng presidential drug enforcement agency.
Panukalang paglalagay ng pasilidad para sa mga high level drug offenders, medical scholarship sa lahat ng state universities at colleges, amiyenda sa human security act, panukalang hybrid elections, 14th month pay para lahat ng mga manggagawa sa pribadong sector, anti fake news act, pagtataas ng parusa sa crime of perjury, sim card registration act at pagtatatag ng dangerous drugs court
Ilan sa mga malalaking panukala ang inihain naman ni Senator Sonny Angara kabilang ang panukalang itaas ang sahod ng mga guro, under privileged students discount act, panukalang doblehin ang pension ng indigent senior citizens mula P6,000 sa P12,000 kada taon, dialysis center act at resolution upang imbestigahan ang ghost dialysis payment
Sampung pet bills rin ang inihain ni senator bong revilla junior, kabilang na ang panukalang 125 pesos salary increase para sa private sector workers at pagpababa ng retirement age ng mga nasa gobyerno.
Si Senator Francis Pangilinan, inihain ang panukalang coco levy act, national land use act, pagtatatag ng department of fisheries and aquatic resources at department of disaster and emergency management, rainwater management bill, single-use plastic regulation at pagtataas rin ng sahod ng mga guro.
Sogie equality bill naman ang muling inihain ni Senator Risa Hontiveros na layong alisin ang diskriminasyons sa lahat ng kasarian.
Ang scholarship program na one town, one doctor bill naman ang muling inihain ni Senator Ralph Recto.
Si Senator Joel Villanueva maghahain ng ilang panukala na may patungkol
sa kapakan ng mga Overseas Filipino Workers
(OFW).
“Gustong gusto natin yung bagong bayani filipino hospital for our ofw and then yung ofw insurance act” ani Sen. Joel Villanueva.
Ayon naman sa anak ni Senator Lito Lapid na si Mark Lapid, isyu -sa kakulangan ng tubig at pagpapalakas ng free legal assistance ang tututukan ng kaniyang ama.
“Siyempre gusto niyang magsubmit ng paano natin (sosolusyunan) ang water crisis)” ani Mark Lapid anak ni Sen. Lito Lapid.
Samantala, kani kaniya na ring pagaayos ang ginawa para sa mga opisina ng mga incoming senators. Kabilang na rito ang magiging opisina ni senators Pia Cayetano, Bong Revilla Junior , si Ronald Bato Dela Rosa na personal na binisita ang pagaayos ng kaniyang opisina, kay Bong Go at Lito Lapid. Ang mga gamit ng mga graduate senators ay inaalis na rin sa gusali.
(Nel Maribojoc | Untv News)
Tags: 18th congress, batas, Senate
Gaya ng nakasaad sa Saligang Batas, dapat matukoy kung saan manggagaling ang pondo para sa mga partikular na gastusin ng pamahalaan.
Kaya nanindigan si Budget Secretary Benjamin Diokno na dapat maipasa ang tax reform packages ng administrasyon upang magkaroon ng pagkukunan ng pondo sa mga proyektong nangangailangan ng dagdag na pondo, partikular na sa mga ahensyang binawasan ng panukalang pondo para sa taong 2019.
Ibig sabihin, bagaman kaunting panahon na lang ang nalalabi bago ang election period. Kung hihiling ng supplemental budget para sa mga partikular na proyekto, dapat munang maipasa ang nalalabing tax reform measures ng administrasyon tulad ng package 1B, 2, 2 plus, 3 at 4.
Kinumpirma rin ni Diokno na nagkaroon na ng kasunduan ang economic managers sa mga mambabatas partikular na kina House Committee on Appropriations Chairman Congressman Karlo Nograles at House Majority Floor Leader Roland Andaya Jr. hinggil sa 2019 proposed national budget.
Ito ay ang pagkaroon ng transitory cash-based budgeting system sa loob ng susunod na tatlong taon gaya na rin ng isinasaad sa panukalang budget reform.
Ayon sa kalihim, sa ilalim ng panukalang pondo para sa taong 2019, pinalalawig pa ang payment period para sa mga proyekto sa loob ng tatlo hanggang anim na buwan, iba sa naunang panukalang sa loob lang ng isang taon popondohan ang mga partikular na gastusin.
( Rosalie Coz / UNTV Correspondent )
Pagkakataong manaliksik at makakuha ng langis para sa China at Pilipinas ang nais ng parehong bansa para sa West Philippine Sea (WPS).
At sa pagpunta ni Foreign Affairs Secretary Alan Cayetano sa Singapore para sa 2018 Asean Ministerial Meeting, isa sa mga nakalatag na paksa ay ang pagbuo sa matagal nang hinihintay na code of conduct sa pinag-aagawang teritoryo.
May panukala na rin umanong magkaroon ng 60-40 na hatian o 60% sa Pilipinas at 40% naman sa China para sa mga yaman tulad ng langis at gas sa WPS.
Isa sa mga natukoy na planong pagdausan ng joint exploration ang bahagi ng reed bank na mayaman sa langis at maaaring pumalit sa Malampaya upang makapag-supply ng kuryente sa dalawampung porsyento ng bansa.
Posible naman umano ang nasabing hatian ayon kay acting Chief Justice Antonio Carpio, basta’t magiging sang-ayon ito sa Saligang Batas at arbitral ruling ng UNCLOS at hindi isusuko ang soberanya ng bansa.
Hindi rin dapat ituring na negatibo ang implikasyon ng pakikipagtulungan ng China pagdating sa pagkuha ng yaman at pananaliksik sa reed bank.
Ayon sa isang eksperto, dahil sa paraang ito ay mabibigyan umano ng pagkakataon ang Pilipinas na magamit ang mas advanced na teknolohiya ng China pagdating sa maritime exploration.
Nanawagan naman si dating Pangulong Benigno Aquino III kay DFA Secretary Alan Cayetano na huwag ilihim sa publiko ang detalye ng planong kasunduan sa China.
Una namang sinabi ni Cayetano na mali ang impormasyong nakararating sa dating pangulo at iginiit na walang lihim na kasunduan sa China ang Duterte administration.
( Mai Bermudez / UNTV Correspondent )
Tags: arbitral ruling, Pilipinas, Saligang Batas
