Naging magarbo ang paghahain ng Certificates of Candidacy ng ilang pulitiko para sa 2016 elections.
Sa Sta.Rosa Laguna, may baong musiko, mga paputok at mga lobo ang supporters ni Vice Mayor Arnel Gomez na balak tumakbo sa pagka-alkalde ng lungsod laban sa aktor at congressman na si Daniel Fernandez.
Kani-kaniyang bitbit din ng plackards ang mga supporter ng ilang kakandidato sa pagka-konsehal at halos mapuno na ang plaza at pangunahing kalsada sa tapat ng COMELEC office.
Ayon sa COMELEC, bahagi na ng kultura sa pulitika sa bansa ang iba’t ibang gimmick ngunit paalala ng komisyon sa mga kakandidato na sundin ang batas ukol sa pangangampanya upang huwag silang ma-diskwalipika gaya nang nangyari kay dating Laguna Governor E-R Ejercito noong 2013.(Sherwin Culubong/UNTV Correspondent)
