Umaasa ang kampo ni Senator Grace Poe na susuportahan ng Commission on Elections (Comelec) ang naging desisyon ng Senate Electoral Tribunal (SET) nang ideklara na si Poe ay isang natural-born citizen kaugnay sa election offense case na isinampa laban kay Poe.
Inaasahan na sa lalong madaling panahon ay maglalabas ang Comelec ng resolusyon sa kasong isinampa ni Rizalito David laban kay Poe,kung saan ayon kay David, ang senadora ay gumawa umano ng “material misrepresentation” sa kaniyang isinumiteng Certificate of Candidacy (COC) sa poll body nang si Poe ay tumakbo sa pagka senador noong 2013. Kinukwestyon ni David kung bakit idineklara ni Poe na siya ay isang natural-born citizen, gayong ito ay isang foundling lamang na ayon sa paniwala ni David, ang foundling ay isang stateless.
Giit ni Atty.Garcia,sa ilalim ng customary international law at ng Philippine Constitution at domestic laws,sinomang foundling na matagpuan sa Pilipinas ay itinuturing na natural-born citizen.
“The SET has spoken: Senator Poe is a natural-born Filipino citizen. Therefore, she is not only eligible to sit as a member of the Senate but also to seek the presidency,” saad ni Atty.Garcia.
Ipinahayag ng kampo ni Poe na nakatakda silang maghain ng dismissal laban sa election offense case ng senadora. At sa December 3 naman ay nakatakdang maghain ng memorandum ang kampo ni Poe,para sa tatlo pang disqualification case na isinampa ni dating senador Francisco Tatad, Political Science Professor Antonio Contreras at Ex-University of the East College of Law Dean Amado Valdez.(Meryll Lopez/UNTV Radio Correspondent)
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
