Dumalo sa isinagawang unity walk ang mga kandidatong tatakbo sa 2016 election na ginanap sa San Fernando City La Union.
Pagkatapos ng unity walk ay isinagawa rin ang signing of peace covenant para sa layuning maging mapaya at patas ang labanan sa halalan sa darating na election.
Kabilang sa mga pumirma sa peace covenant na tatakbong gobernador ng La Union ay sina Clark Field Arroño III, Henry Bacurnay, Thomas Dumpit Jr, Francisco Emmanuel Ortega III, Mario Ortega.
Nagpalipad din ng puting lobo na sumisimbolo ng kapayapaan para sa darating na halalan.
Inorganisa ang unity walk at peace covenant ng PPCRV-Tignay La Union katuwang ang COMELEC, PNP at iba’t ibang sangay ng Armed Forces of the Philippines.
(Toto Fabros / UNTV Correspondent)
Tags: election 2016, Kampanya, La Union, mga politiko, secure and fair
Napagkalooban ng bagong sapatos ang ilang barangay tanod mula sa La Union.
Ito ay mula sa Pugo Municipal Police Station bilang bahagi ng kanilang YAPPAKK project.
Ang nasabing aktibidad ay upang mapalakas ang ugnayan ng pulis at ng barangay.
Samantala pinasalamatan ni PNP Chief Police General Guillermo Eleazar ang mga barangay official sa pagpapanatili ng kapayapaan at pagsugpo ng krimen sa kanilang komunidad.
“Iisa lamang naman ang hangarin ng pulisya at ng barangay, at ito ay ang kaayusan sa mga komunidad. Sana ay mas maging matibay pa ang ugnayan ng dalawa para sa hangaring ito,” ani PNP Chief PGen. Guillermo Eleazar.
(Zy Cabiles | La Verdad Correspondent)
Tags: La Union, Libreng Sapatos
Patay sa pananambang ang vice mayor ng Balaoan, La Union na si Alfred Concepcion at security escort nito na si Michael Ulep matapos tambangan kaninang umaga.
Samantala, sugatan ang anak nito at kasalukuyang alkalde ng Balaoan na si Aleli.
Batay sa imbestigasyon, lulan ang dalawa ng sasakyan mula sa kanilang bahay at patungo na sana sa munisipyo nang pagbabarilin ng hindi pa nakikilang mga suspek dakong alas otso y medya ng umaga sa bahagi ng Luna Road, Barangay Cabuaan.
Agad itinakbo ang mga ito sa Balaoan District Hospital ngunit agad binawian ng buhay ang bise alkalde.
Sa ngayon ay naka-half mast ang bandila sa harap ng munisipyo ng Balaoan, La Union.
Bumuo na rin ng Special Investigation Task Group (SITG) ang PNP Region 1 na tututok sa kaso.
Ayon kay PNP Chief PDG Oscar Albayalde, inaalam din ng mga pulis kung may mga banta na natatanggap ang mga ito bago ang nangyaring pananambang.
Kasama sa iimbestigahan ng SITG ay kung miyembro ng private armed group ang suspek sa pananambang at kung may pulitikong nag utos sa mga ito.
Kinundena ng Malacañang ang ginawang ambush sa La Union local chief executives. Inatasan na ang pambansang pulisya na imbestigahan ang naturang insidente at papanagutin ang mga nasa likod ng krimen.
( Toto Fabros / UNTV Correspondent )
Tinambangan ang convoy nina Balaoan Mayor Aleli Concepcion at Vice Mayor Alfred Concepcion kaninang alas otso diyes ng umaga.
Pinagbabaril ng mga hindi pa nakikilalang suspek ang sasakyan ng alkalde at bise alkalde habang binabagtas ang Balaoan-Luna Road sa Barangay Cabuaan, Balaoan, La Union na papunta sana sa Municipal Hall.
Agad itinakbo ang mayor at vice mayor at kasamahan nito sa Balaoan District Hospital.
Patuloy pa ang isinasagawang imbestigasyon ng mga otoridad sa pangyayari.
Tags: Balaoan Mayor Aleli Conception, La Union, Vice Mayor Alfred Conception
