Sa pamamagitan ng satellite at wind tracking system at iba pang instrumento ng Pagasa, natukoy ang mga lugar na naapektuhan ng haze mula sa Indonesia na bumalot sa ilang lugar sa bansa.

Mula Indonesia ay napadpad ang haze sa Mindanao hanggang sa Visayas matapos hatakin ng bagyong lando na nanalasa dito sa bansa nang nakaraang linggo.

Ayon sa DOST, sa ngayon ay maaari nang maglabas ang Pagasa ng haze forecast katulad ng sa bagyo upang agad itong makapagbigay ng babala sa mga maapektuhang lugar.

Nasuri naman ng DENR ang antas ng pollutant o ang particulate matter 2.5 sa mga petsang nakaapekto sa bansa ang haze

Ang haze ay makapal na usok na nagtataglay ng alikabok at air polluntants gaya ng sulfure dioxide, nitrogen dioxide, carbon monoxide, particulate matter at iba pang nakalalasong kemikal.

Noong October 24, sa loob ng 24 hour guideline value ay nakapagtala ang air quality management section ng DENR sa Cebu ng 110 micro grams per normal cubic meter.

Mas mataas ito sa standard na 75 micro grams per normal cubic meter lamang.

Nagsagawa rin ng pagsusuri ang DENR sa Coronadal, Davao, Bacolod at iba pang lugar sa Visayas at Mindanao.

Sa datos ng DENR, maganda pasangayon ang kalidad ng hangin sa bansa lalo na mula ng ipasa ang Clean Air Act noong 1999. ( Rey Pelayo / UNTV News )

Tags: DOST