Kakulangan sa pasilidad, silid-aralan at mga silya ang sumalubong sa maraming estudyante na nagbalik-eskwela kahapon sa ilang lalawigan.
Sa Zamboanga City, walang nagamit na classroom ang ilang estudyante sa Santa Barbara Central School dahil hindi pa ito naayos matapos masira noong 2013 siege.
Hindi naman sila maaaring ilipat sa ibang paaralan dahil siksikan na rin ang mga estudyante.
Pati ang mga guro, wala ring magamit na faculty room dahil under renovation pa ito.
Ganito rin ang problemang nasalunga ng grade 7 students ng Iloilo City National High School.
Sa susunod na taon pa matatapos ang kanilang classroom kaya sa Central Elementary School muna sila magsasagawa ng klase.
Sa Angeles at San Fernando City naman sa Pampanga ay wala ring classroom ang daan-daang estudyante na tutuntong sa senior high school.
Wala ring la mesa at iba pang gamit ang faculty rooms at kulang sa armed chairs kaya sa mga monoblock muna uupo ang mga estudyante.
Sa Philippine Science of Technology High School naman sa Baguio City ay skeletal form pa lang ng building ang naitatayo kahit simula na ng pasukan.
Hindi rin aspaltado ang daan na dagdag pahirap sa mga estudyante ngayong tag-ulan.
Under construction rin ang building para sa senior high school students sa pinakamalaking pampublikong paaralan sa Baguio City.
Ayon sa DepEd, hindi natapos sa takdang deadline ang pagtatayo ng mga gusali dahil nagkaroon ng aberya sa panig ng builders.
Sa Bulacan naman ay problema rin ang kawalan ng classrooms at palikuran bukod pa sa mababang attendance ng senior high school students.
Anim na libong estudyante lamang ang dumagsa kahapon kumpara sa kabuuang 7,099 na nagpa-register.
Ayon sa DepEd, maaaring hindi pa pumasok ang ibang estudyante dahil hindi pa handa ang kanilang mga gamit o kaya ay umiwas muna sa magulong senaryo kapag first day of school.
(UNTV RADIO)
Tags: balik-eskwela, DepEd
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
METRO MANILA – Nagbabala ang Department of Education (DepEd) sa publiko laban sa mga pekeng scholarship na iniaalok umano ng ahensya lalo na sa mga kumakalat online.
Base sa pahayag ng DepEd, iligal na ginagamit ng mga ito ang DepEd seal at ang larawan ni Vice President at Education Secretary Sara Duterte.
Target ng mga kumakalat online na pekeng post tungkol sa scholarship ang mga magulang at mag-aaral.
Kaya nagpaalala ang ahensya na huwag bastang magbibigay ng anomang impormasyon tungkol sa mga mag-aaral.
Ugaliin din i-check ang mga verified account ng DepEd sa Facebook, X, Instagram at kanilang opisyal na website, para sa official announcements at impormasyong inilabas ng kagawaran.
Hinikayat din ng DepEd ang lahat ng kinauukulan na iulat ang anomang kahina-hinalang impormasyon tungkol sa basic education sa depedactioncenter@deped.gov.ph.
